BREAKING NEWS
१० श्रावण २०७८, आईतवार

यी हुन् सुदुरपश्चिम प्रदेशमा फ्लोर क्रस गर्ने १७ सांसद (नामावली सहित)

एक्सन खबर
यी हुन् सुदुरपश्चिम प्रदेशमा फ्लोर क्रस गर्ने १७ सांसद (नामावली सहित)

काठमाडौं । सुदूरपश्चिम प्रदेशमा संसदीय दलका नेता प्रकाश शाहीसहित नेकपा एमालेका १७ प्रदेश सभा सांसदले फ्लोर क्रस गरेका छन् । उनीहरुले मुख्यमन्त्री त्रीलोचन भट्टको विश्वासको मतको विपक्षमा मतदान गर्ने पार्टी ह्वीप उल्लंघन गरेका हुन् ।

सत्तारुढ नेकपा एमाले भित्रको विवादका कारण प्रधानमन्त्री केपी शर्मा ओली केन्द्र र प्रदेश दुवै तर्फ अल्पमतमा पर्दै गइरहेका छन् । सुदुर पश्चिमका १७ सांसदले पार्टी ह्विप उलंघन गरेपछि ओली झनै तनावमा परेका छन् ।

नेपालको संसदीय इतिहासमा पार्टीको ह्वीप उल्लंघन गरेर सोही पार्टीका दुई तिहाई सांसदले फ्लोर क्रस गरेको यो पहिलो घटना हो । यसअघि कर्णाली प्रदेशमा एमालेका ४ सांसदले भोट क्रस गरेका थिए । आजको भोट क्रस गर्नेमा संसदीय दलको २५ सांसदमध्ये १७ जना थिए ।

भोट क्रस गर्ने सांसदहरु संसदीय दलका नेता शाहसहित माधव नेपाल खेमाका हुन् । सुदूरपश्चिम प्रदेश सभामा एमाले संसदीय दलमा नेपाल समूहको स्पष्ट बहुमत छ ।

मुख्यमन्त्री भट्टले प्रदेश सभाको ५२ सांसदमध्ये ३० मत पाएका थिए । विपक्षमा ९ मत परेको थियो । १२ मत तटस्थ रह्यो । सुदूरपश्चिममा सभामुखसहित नेकपा एमालेका २५ सांसद छन् । जसमध्ये ७ जनामात्र प्रधानमन्त्री केपी शर्मा ओली निकटस्थ हुन् ।

यी हुन फ्लोर क्रस गरेर मुख्यमन्त्री भट्टलाई विश्वासको मत दिने सांसदहरु

अर्चना गहतराज
अमरबहादुर साउद
कुलवीर चौधरी
कृष्णराज सुवेदी
चुनकुमारी देवी चौधरी
दीर्घबहादुर सोडारी
दुर्गाकुमारी कामी
तारा लामा तामाङ्ग
पूर्णा जोशी
प्रकाश बहादुर शाह
बलबहादुर सोडारी
मनाकुमारी साउद
लाल बहादुर खड्का
माया भट्ट
प्रकाश रावल
सुशीला बुढाथोकी
हर्कबहादुर कुँवर

- २५ जेष्ठ २०७८, मंगलवार १५:२३ मा प्रकाशित



Kumari Advertisement
top ad