काठमाडाैं । नेकपा (एमाले) काे जारी केन्द्रीय समितिकाे दशौं बैठकमा एमाले नेतृ भगबती चौधरीले पछिल्लो समय देखिएको परिस्थितिको पार्टीभित्र आलोचना नभई आत्मालोचना गर्नुपर्ने बताउनु भएकाे छ । एमालेको केन्द्रीय समितिको दशौं बैठकमा बोल्दै नेतृ चौधरीले पार्टीभित्र आवाजहरु दबाउने प्रवृत्ति अन्त्य हुनुपर्ने बताउनु भयाे ।बिहीबारकाे बैठकमा बाेल्दै नेतृ चाैधरीले पार्टीभित्र पुस्तान्तरण र रूपान्तरण अपरिहार्य रहेकाे जनाउँदै जेन-जीलाइ समेटेर अगाडी बढ्नु पर्ने पनि बताउनु भयाे ।
‘एमाले भित्र विवेक छ, तर आवाज दबिएको छ । निषेधको राजनीति, आत्मकेन्द्रित सोच र हालीमुहालीको संस्कृतिले कार्यकर्तामा निराशा ल्याएको छ । हामीले आलोचना होइन, आत्मालोचना गर्नुपर्छ । गल्ती ढाकछोप गर्ने परिपाटी अब बन्द गर्नुपर्छ ।’ चाैधरीले भन्नुभयाे ।
पार्टीका इमानदार र कर्मठ नेताहरूलाई अग्रभागमा ल्याउने समय आएको बताउँदै नेतृ चौधरीले त्यसका लागि समावेशीतालाई समेत ख्याल गरिनुपर्ने उल्लेख गर्नुभयाे । ‘एमालेको आत्मा समावेशितामा बस्छ । त्यसैले निर्णय तहदेखि तल्लो संरचनासम्म सबै वर्ग र समुदायको सहभागिता सुनिश्चित हुनुपर्छ ।’ नेकपा एमालेनै मुलुककाे निर्णायक शक्ति र समृद्धिकाे बाहक भएकाे भन्दै चाैधरीले महाधिवेशनकाे मिति तय भइसकेकाे अवस्थामा नेतृत्व परिवर्तनकाे विषय अहिले नै चर्काउन नहुने पनि बताउनु भयाे ।
उहाँले पार्टी र राज्य सत्ता सञ्चालनको महत्वपूर्ण पदमा रहँदा नेताहरू निर्विवाद हुनुपर्ने उल्लेख गर्दै गल्ती र विवादमा आउनेहरूलाई ढाकछोप र संरक्षण गर्ने चलन बन्द गरिनुपर्ने बताउनु भयाे । ‘राम्रो कामको संप्रेषित गर्नु पर्दछ भन्ने गल्ति कमिकमजोरी आलोचना आत्मा आलोचना गरिनु पर्दछ ।’ चाैधरीले भन्नुभयाे ।
चाैधरीले जेन–जी आन्दोलनले देश मात्रै होइन, पार्टीमा समेत परिवर्तन चाहेको बताउँदै नयाँ अनुहार पार्टीमा अघि सार्नुपर्ने र चुनावमा गएर ताजा जनादेश लिनुपर्ने पनि बताउनु भयाे । सुनसरी–३ बाट निर्वाचित निवर्तमान प्रतिनिधिसभा सदस्य समेत रहेकी चौधरीकाे भनाइ छ, ‘जेन–जी आन्दोलनको सन्देश स्पष्ट छ–जनताले नयाँ अनुहार, नयाँ सोच र नयाँ आशा खोजिरहेका छन् । त्यो मागको जवाफ सडकमा होइन, मतपेटिकामा दिनुपर्छ । त्यसैले एमाले चुनावमै जानुपर्छ ।’
साथै उहाँले आन्दोलनमा ज्यान गुमाउनेप्रति श्रद्धाञ्जिली अर्पण गर्दै घाइतेको शीघ्र स्वास्थ्य लाभको समेत कामना गर्दै आन्दोलनमा आफू स्वयम् पीडित बनेको पनि जिकीर गर्नुभयाे । लघुवित्त मार्फत ग्रामिण क्षेत्रमा रहेका महिलालाई आर्थिक स्वालम्बनतर्फ अग्रसर गराउन सक्रिय चौधरीले युवालाई स्वरोजगार दिन खोलिएको फरवार्ड सुपरमार्केट समेत आन्दोलनकारीले लुटपाट, आगजनी र तोडफोड गरेको जानकारी दिँदै लुटपाट र ताेडफाेडकाे जाहेरी सुरक्षा प्रशासन समक्ष दिँदा पनि साथ नपाएकाे बताउनु भयाे । जाहेरी लिन पनि आदेशको प्रतिक्षा गरिएको बताउँदै उहाँले भन्नुभयाे, ‘यो न्याय होइन, निष्ठुरता हो ।’ जेन–जी आन्दोलनका क्रममा पीडित बनेका जनता, पार्टीका नेता कार्यकर्ताको क्षतिपूर्ति र भरोसा दिलाउन पार्टीमा हेल्प डेस्क समेत सञ्चालनमा ल्याउनुपर्ने माग पनि गर्नुभयाे ।
२०८२/०६/३० गते दशौं केन्द्रीय कमिटीको बैठकको दोस्रो दिन…!
नेकपा एमालेका श्रद्धेय अध्यक्ष, पदाधिकारी नेता कमरेडहरु तथा सहयोद्धा केन्द्रीय कमिटीका सम्पूर्ण कमरेडहरु,
# २०८२ भाद्र २३(२४ गते जेन-जी युवाहरूको आन्दोलनमा ज्यान गुमाउनु हुने युवाहरू प्रति भावपूर्ण श्रद्धाञ्जली ब्यक्त गर्दै घाईतेहरुको सिघ्र स्वास्थ्य लाभको कामना गर्दछु ।
# Gen-Z युवाहरुमा नैराश्यता (Despair) को विष्फोट (Explosion) हो सामाजिक संजालको ब्राण्ड एउटा कडी मात्र थियो । जेन्जी भन्छन् ।
The cries of the people that
went unheard for too long…
# यतिबेला देश राजनीतिक, सामाजिक, आर्थिक रूपमा गम्भीर तरहले संकटोन्मुख रहेको हामी सबैलाई विदितै भएको कुरा हो । नेकपा एमाले जस्तो गौरबशाली पार्टी मुलुकको यस विषम परिस्थितिमा मुकदर्शक भएर बस्न कदापि दिँदैन ।
# भदौ २३ गते भएको जेन-जी युवाहरूले सामाजिक सञ्जाल बन्द फुकुवा, भ्रष्टाचार नियन्त्रण र सुशासित सरकारको माग गरेर गर्नु भएको शान्तिपूर्ण प्रदर्शन अन्यथा थिएन । तर, जेन-जीको आन्दोलनलाई विध्वंशात्मक बनाइयो । आन्दोलनमा देशी विदेशी सड्यन्त्रकारीहरूको घुसपैठ भयो । इतिहासमा यो घटनाका प्रत्येक सड्यन्त्रका योजनाहरू आउँदा दिनहरूमा क्रमशः खुल्दै जालान् र खुल्नु पनि पर्दछ ।
# जेन-जीको आन्दोलनलाई प्रयोग गरेर जुन प्रकारले राज्य संञ्चालनका अंगहरू ध्वस्त पार्ने जुन काम भयो । संघीय देखि प्रदेशका संसद भवन, राज्य सञ्चालनको प्रमुख निकाय सिंहदरबारसँगै सर्वोच्च अदालत र मुलुकका प्रशासनिक भवन तथा नीजि व्यापारिक सम्पत्तिमा समेत लुटपाट आगजनी हुनु कुनै पनि दृष्टिकोणले आन्दोलनको स्वरूप हैन ।
# मेरो निर्वाचन क्षेत्र, सुनसरीमा मैले स्वरोजगार, उद्मशीलता, आत्मनिर्भरता बढाउन फरवार्ड सुपरमार्केट सञ्चालन गरेका थियौं । जेन-जी आन्दोलनको नाममा सुपरमार्केट लुटियो, तोडफोड भयो । एकाध घन्टामा ४ करोड भन्दा बढीको क्षति भयो । सुरक्षा निकायलाई पटकपटक सुरक्षा दिन माग गर्दा कसैले सुनेनन् । लुटपाटमा संलग्नलाई कानूनी कार्यवाही गर्न प्रर्याप्त प्रमाणहरू पेश गर्दा पनि प्रहरी प्रशासनिक निकायहरु किटानी जाहेरी लिएका छैनन् माथिको आदेश पछि जाहेरी लिउँला भन्नुको तात्पर्य के हो ?
# यस्तै, त्यस विषम् परिस्थितिमा पार्टीले ‘क्षतिपूर्ति रिपोर्टिङ डेस्क’ जस्तो खड़ा गरेर कहाँ कुन नेता, कार्यकर्ता र पार्टी कार्यालयको कति क्षति भयो यकिन गर्नु पर्दथ्यो । त्रास र पिडामा रहेका नेता कार्यकर्ताहरुलाई सान्त्वना दिनका लागि भएपनि सम्पर्क गर्नुपर्दथ्यो । पछि कार्यालयको बैठक भयो थाहा पायौं तर हामीले जानकारी पाएनौ ।
# जेन-जी आन्दोलनको मौकामा देशभरबाट अझैपनि ५५४७ कैदीहरू फरार छन्, २ हजार भन्दा बढी हतियार र लाखौं गोली गठ्ठा लुटिएको छ । यसले नागरिकको सुरक्षामा गम्भिर चुनौति थपिएको छ । यस विषयमा बर्तमान सरकारको दृष्टी पर्न सकेको छैन ।
# कुनैपनि सचेत नेपाली जागरिक, जेन-जी युवाहरूको सोच र विचार मुलुक विध्वंश मच्चाउने कदापी हुन सक्दैन । तसर्थ, भदौ २३ गते र २४ गते विभिन्न समुह देशी विदेशी घुषपैठले जुन प्रकारले मुलुकमा विध्वंस मच्चाइयो यो अत्यन्त, खेदजनक, आपत्तिजनक छ ।
# कमरेडहरू,
यतिबेला देशसंगै हाम्रो पार्टी नेकपा एमाले गम्भिर मोडमा उभिएको छ । पार्टी कसरी अगाडी बढ्छ, हाम्रो रोडम्याप के हो ? यो नेकपा एमाले भित्र समाहित हुनु भएका लाखौं कमरेडहरूको मात्र हैन, प्रत्येक नेपालीले सोधिरहेका प्रश्न हो ।
# पक्कैपनि हामीभित्र कमजोरी हरू नभएका हैनन् । पार्टी भित्रको आन्तरिक लोकतन्त्र अति कमजोर छ, देश र जनताको बीचमा रहेर राष्ट्र, राष्ट्रियता, राष्ट्रिय अखण्डता तथा सार्वभौमिकता, आर्थिक समृद्धि र सुशासनका सवालमा काम गर्दागर्दै पनि कतिपय अवस्थामा नेतृत्वले जनपक्षीय र जनचाहना अनुरूपको काम गर्नेहरूको सहि मुल्यांकन गर्न विवेक नपुर्याउँदा तथा निषेधको राजनीति गर्दा इमान्दार र कर्मठ नेता कार्यकर्ताहरूमा निराशा छाएको छ ।
# तर, जसरी प्रत्येक विहानीले नयाँ आशा र उमंग सहित सुनौलो किरण बोकेर ल्याए जस्तै नेकपा एमालेले अघि सारेका सिद्धान्त, नीति तथा कार्यक्रमा मुलुकको उज्वल भविष्य जोडिएको छ । त्यसलाई मुर्तरूप दिनका लागि नेकपा एमालेले अंगिकार गरेको जनताको बहुदलीय जनवाद, लोकतन्त्र, समाजवाद, संघीयता, समावेशिता र आर्थिक समृद्धिका कार्यहरू कार्यान्वयनमा हाम्रो जोड रहनु पर्दछ ।
# तर, केन्द्रीय कमिटिको यो फ्लोरमा हामीले भन्नै पर्दछ कि, नेतृत्वमा ज़िम्मेवारी पाएका ईञ्चार्जसीपहरु आफ्नो मात्र हाली मुहालीको डन्डा चलाउनाले पार्टी भित्र चरम गुनासो छ । यसलाई जरैदेखि समाप्त पार्नुपर्छ । यसका लागि स्थानीय, क्षेत्रका हरेक तहबाट समावेशी रूपमा प्रतिनिधित्व गराउनु पर्छ ।
# यस्तैगरी, नेकपा एमालेको नेतृत्वको सवालमा महाधिवेशनको मिति तोकिइ सकेकोले, के हुन्छ त्यसमा जानु पर्दछ त्यसैलाई स्वीकार्नु पर्दछ । कसले नेतृत्व गर्ने, कसरी गर्ने, विधि सम्वत्, सर्वसम्मत अगाडी बढ्दा पार्टीभित्रको लोकतन्त्र मात्र सुदृढ हुँदैन, नेकपा एमालेलाई मुलुकको पहिलो निर्णायक शक्ति बनाउन पनि टेवा पुग्छ ।
# मैले यसो भन्दै गर्दा पार्टीको पुनर्संरचना हुनैपर्दछ । पार्टी र राज्य सत्ता सञ्चालनको महत्वपूर्ण पदमा रहँदा नेताहरू निर्विवाद हुनैपर्छ । गल्ती र विवादमा आउनेहरूलाई पार्टीले ढाकछोपको चलन बन्द गरिनु पर्दछ र संरक्षण गर्नु गलत हो । राम्रो कामको संप्रेषित गर्नु पर्दछ भन्ने गल्ति कमिकमजोरी आलोचना आत्मा आलोचना गरिनु पर्दछ ।
# पार्टीभित्रका हरेक तह र तप्कामा समावेशिता अपनाइनु पर्छ । जातिय, क्षेत्रीय, लिङ्गिय समावेशिता अपनाइनु पर्छ । संबैधानिक रुपमा व्यवस्था अनुरूप पोर्टफ़ोलियोहरुमा सहभागिता हुनु पर्दछ ।
कमरेडहरू,
# अहिले नेकपा एमाले चुनाबमा जान्छ कि जाँदैन भन्ने शंसय भइरहेको परिस्थितिमा मेरो विचारमा सरकारले शान्ति सू-व्यवस्थापन गर्न सक्दा चुनावमा भाग लिनु पर्दछ । यद्धपि म एक प्रतिनिधि सभा सदस्य सुनसरी जिल्लाको ३ नम्बर क्षेत्रबाट निर्वाचित प्रतिनिधि भएतापनि, संविधान सम्बत छ छैन अभियोजन हुंदै जाला ।
तथापि पनि जेन-जीहरूको आन्दोलन पछिको माग र जेन्जीले बनाएको सरकारको घोषणा चुनाव नै हो । सो जेन-जी युवाहरूको मागको संबोधनको लागि भए पनि चुनाव मैं जानु पर्दछ ।
धन्यवाद…!
एक्सन खबर
0 प्रतिकृया