धरान, ३० असार । धरानमा आज एकै दिन छुट्टाछुट्टै स्थानमा धारिलो हतियार प्रहारबाट ५ जना घाइते भएका छन् ।

धरान–१६ जोरसखुवामा बिहिवार साँझ ७ बजे धरान–१७ घर भई सियाेन स्कुल नजिक डेरा गरि बस्ने टिकाराम राई साथीहरु सँग काेठामा चिया खाईरहेको बेला एक्कासी तीन चार जनाको समुहले धारिलो हतियार प्रहार गरि घाइते बनाएका छन् ।

उक्त घटनामा अन्य २ जना समेत घाईते भएकाे इलाका प्रहरी कार्यालय धरानले जनाएकाे छ । घाइते हुनेहरुमा धरान–१६ कै ३१ बर्षका प्रदिप लिम्बू र धरान–९ का ३८ बर्षका टिका गुरुङ रहेका छन् ।

घटनामा टिकाराम राईको बायाँ कानको बिच भाग काटिएको छ भने प्रदिप लिम्बुको दायाँ छातीको तल्लो भाग र टिका गुरुङको दुबै हात र टाउकोमा काटिएको छ । उनीहरु सबैको धरानकै वीपी कोइराला स्वास्थ बिज्ञान प्रतिष्ठानको आकस्मिक कक्षमा उपचार भईरहेको छ ।

त्यसै गरि धरान–१६ मै नौलो बस्तीका २५ बर्षका अर्जुन तामाङलाई समेत घरमा नै आई चिनेकै ब्यक्तिले धरिलो हतियार प्रहार गर्दा गम्भीर घाइते भएका छन् । उता धरान–२० कार्किछापमा आफ्नै सालो तुलमान तामाङले भिनाजु बिर बहादुर तामाङलाई खुकुरी प्रहार गरि घम्भिर घाइते बनाएका छन् ।

एलानी जग्गाको पुर्जा छ कि छैन भन्दै सालोले भिनाजुलाई लालपुर्जा माग्दा भिनाजुले आफुसँग नभएको बताएपछि सोही क्रममा विवाद हुँदा सालोले भिनाजु लाई खुकुरी प्रहार गर्दा भिनाजु गम्भिर घाइते भएका हुन् ।

खुकुरी प्रहारबाट वीर बहादुरको शरिरको विभिन्न भागमा गहिरो चोट लागेको छ । उनको पनि वीपी कोइराला स्वास्थ बिज्ञान प्रतिष्ठानमा उपचार भईरहेको प्रहरीले जनाएकाे छ ।