काठमाडौं । नेपाली कांग्रेसको १५ औं महाधिवेशनबाट सभापतिमा गगन कुमार थापा भारी मतका साथ निर्वाचित भएका छन् । कुल खसेको मत ७ हजार ३९ मतकाे आधारमा थापाले ९३.८८ प्रतिशत मत प्राप्त गरि सभापतिमा निर्वाचित भएका हुन् ।

सभापति निर्वाचित भएका थापाले ६ हजार ५८४ मत प्राप्त गर्दा एक मात्र प्रतिष्पर्धी श्यामकृष्ण खड्गीले ३७५ मत पाप्त गरेका छन् । मतदानमा ५४ मत बदर भएको थियो । महाधिवेशनमा ७ हजार ३ सय १७ जना महाधिवेशन प्रतिनिधि सहभागी भएका थिए । 

अन्य पदाधिकारीहरूको मतगणना गर्न बाँकी छ । सभापतिबाहेकका पदाधिकारीहरूको मतपेटिका पार्टी कार्यालय सानेपा लगिएको छ । उक्त मतगणना आज दिउँसो मात्रै सुरु गर्ने तयारी छ । पदाधिकारीका सबै उम्मेदवारसँग निर्वाचन समितिले बैठक गरी दिउँसोबाट मतगणना सुरु गर्ने तयारी गरिएको हो ।