उपत्यकामा शुक्रबार रातिदेखि सबै सवारी साधनमा जाेरविजाेर प्रणाली
एक्सन खबर
काठमाडाैं । काेराेना संक्रमितकाे संख्या दिनप्रतिदिन
बढ्दै गएपछि उपत्यकाका तीनवटै जिल्ला प्रशासन कार्यालयले शुक्रबार रातिदेखि
लागू हुने गरी यातायातका साधनमा जोरबिजोर प्रणाली लागू गरेका छन् ।
बिहीबार
बसेको काठमाडौं‚ ललितपुर र भक्तपुरका प्रमुख जिल्ला अधिकारीहरुको संयुक्त
बैठकले कोरोना संक्रमणको जोखिम कम नभएसम्मका लागि निजी तथा सार्वजनिक
सवारी साधनमा जोरबिजोर प्रणाली लागू गरेको हो ।
जोरबिजोरलाई कडाईका
साथ लागू गरिने र मानिसको आवागमन जतिसक्दो कम हुने गरी प्रशासनले आदेश जारी
गरेको ललितपुरका प्रजिअ घनश्याम उपाध्यायले बताए । डिपार्टमेन्ट स्टोर,
सपिङ मललगायतमा अधिकतम २० जनाभन्दा बढी प्रवेश नदिने गरी आवश्यक व्यवस्था
मिलाउन पनि निर्देशन दिइएकाे छ ।
सार्वजनिक सेवा लिन जाँदा
अनिवार्य खोप कार्ड बोक्नुपर्ने छ । सार्वजनिक स्थलमा हिँडडुल गर्न पनि खोप
कार्डलाई अनिवार्य गरिएको प्रजिअ उपाध्यायले बताएका छन् ।
यसका
अलावा सार्वजनिक यातायात प्रयाेग गर्नेले अनिवार्य मास्क लगाउनु पर्ने,
मास्क नभएकाहरूलाई सवारी चालक वा सह–चालकले पाँच रूपैंया लिएर मास्क दिने,
सवारी साधनकाे ढाेकामा सेनिटाइजर राख्नु पर्ने भनिएकाे छ ।
हेर्नुहाेस् सूचना
0 प्रतिकृया