काठमाडौं, ३२ असार । चिकित्सा शिक्षा आयोगले चिकित्सा शिक्षाका सबै तह र बिधामा शैक्षिक सत्र २०७८/७९ समुह (ब्याच)का लागि नयाँ शुल्क निर्धारण गरेको छ । गत जेठ १७ बसेको आयोगको निर्णय अनुसार चिकित्सा शिक्षाका सबै तहमा र बिद्यामा ३.६ प्रतिशतले बृद्धी गरिएको उपसचिव मेघनाथ शर्माले जानकारी दिए ।

उपत्यका भित्र एमवीवीएस (डाक्टर) पढनका लागि ४१ लाख ६८ हजार ९० शुल्क निर्धारण गरिएको छ भने उपत्यका बाहिर डाक्टर पढन ४५ लाख ९५ हजार ७ सय २० शुल्क निर्धारण गरिएको छ । उता, नर्सिङ पढनका लागि १० लाख निर्धारण गरेको आयोगले जनाएको छ ।

आयोगका अनुसार विडिएसका लागि २० लाख ९२ हजार २ सय ९० रूपैया निर्धारण गरिएकाे छ । विपिटी, विएस्सी. एमआइटी, विएस्सी एमएलटी, वि. मेडिकल माइक्राेवायाेलाेजी, वि. मेडिकल बायाेकेमेष्ट्री अध्ययनका लागि ७ लाख ७७ हजार शुल्क कायम गरिएकाे छ । 

कुन विषयकाे कति शुल्क ?