विराटचोक, २५ कार्तिक । सुन्दरहरैंचा–१० का होमनाथ शर्मा जमरकट्टेल यस पटक लोकतान्त्रिक वाम गठबन्धनका उम्मेद्वारलाई मत दिएर जिताउने पक्षमा छन् । गठबन्धनले संविधान बचाउनुका साथै लिम्पियाधुरा र लिपुलेकको संरक्षण गर्ने देखिएकाले लोकतान्त्रिक बाम गठबन्धनको पक्षमा आफू उभिएको उनको भनाइ थियो ।

यसका साथै गठबन्धनका सर्वसम्मत प्रतिनिधिसभा उम्मेदवार डा. सुनिल शर्माको स्वास्थ्य सेवा र समाजसेवाबाट आफु अत्याधिक प्रभावित भएर योपटक भोट हाल्न लागेको बताए ।

मोरङको बेलबारीमा आयोजित कोणसभामा सहभागी हुन पुगेका उनले ओलीले मोदीसँग साँठगाँठ गरेर नै नाकाबन्दी गर्न लगाएजस्तो आफूलाई लागेको भनी शंका व्यक्त गरे । ओलीबाट नेपाली जनताले कुनै पनि आश नगरे हुने उनको भनाई छ । ओलीको घमण्ड चकनाचुर पारेर धुलो नचटाएसम्म एमाले नसच्चिने उनको दावी छ ।

डा. सुनिल शर्मालाई आफूले भर्खर चिन्न थालेको र उनका कामदेखि आफू प्रभावित भएको जमरकट्टेलले बताए । जनताको सेवा गर्नुपर्छ भन्ने परोपकारी भाव देखिएको व्यक्ति शर्मा भएको आफूले पाएको र गठबन्धन पक्षधर भएकाले यसपटक डा. शर्मालाई भोट दिने अठोट गरेको उनले सुनाए ।

मोरङ क्षेत्र नं. ३ मा डा. सुनिल शर्माप्रति आकर्षण बढ्दो छ । समाजसेवा र स्वास्थ्य सेवा मार्फत नाम कमाएका डा. शर्मालाई एक पटक जिताएर पठाउन पाए केही नभएपनि आफ्नो क्षेत्रका जनताको स्वास्थ्य प्रति धेरै काम गर्न सक्ने मतदाताको विस्वास छ । डा. सुनिल शर्मा मंसिर ४ पछि नेपाली कांग्रेसको नेतृत्वमा सरकार गठन भए शक्तिशाली मन्त्री बन्ने हैसियतमा भएकाले मतदाताहरु उत्साहित छन् ।