काठमाडाैं, २६ फागुन । पूर्वप्रधानमन्त्री तथा नेकपा एमालेका अध्यक्ष केपी शर्मा ओलीले स्कुले बालबालिकासँग रमाउँदै सडकमा पाेलेकाे मकै खाएका छन्र । पार्टी कार्यालय च्यासलबाट घर बालकाेट फर्कँदै गर्दा अध्यक्ष ओलीले आज विद्यालयका बालबालिकाहरुसँग बाटोमै भेट गरेर सँगै सडकमै पोलेको मकै पनि खाएका हुन् ।

उनी पार्टी कार्यालयबाट घर फर्कँदै गर्दा बाटोमा स्कूल छुटेर घर फर्कदै गरेका बालबालिकाहरुसँग भेट गरेका थिए । साेही क्रममा उनले सडकमा पाेलेकाे मकै खाँदै बालबालिकाहरूसँग रमाइलो पनि गरेका छन् ।

सामाजिक सञ्जाल फेसबुकमा बालबालिकाहरूसँग मकै खाएकाे फाेटाे शेयर गर्दै ओलीले भनेका छन्–‘पार्टी कार्यालयबाट घर फर्कंदै थिएँ, बाटोमा स्कूल छुटेर फर्किंदै गरेका नानीबाबूहरूसँग रमाइलो भेट गर्ने अवसर मिल्यो । नजिकै एकजना बहिनी मकै पोलेर बेचिरहनु भएको रैछ, पोलेको मकै खाएँ । एकदम मज्जा लाग्यो ।’

अध्यक्ष ओलीले स्कुले बालबालिका र सडकमा मकै पाेलेर बेचिरहेकी महिलासँग कुराकानी गर्न थाल्दा बटुवा र स्थानीय समेत चकित परेका थिए । कतिपयले प्रधानमन्त्री भइसकेकाे, एउटा शक्तिशाली पार्टीकाे अध्यक्ष सर्वसाधारण जसरी नागरिकका विचमा रहेर व्यवहार गर्नु सादगीपनकाे उच्च नमुना भएकाे बताए । ‘उच्च ओहदामा पुगेकाहरू भूइँ मान्छेसँग विरलै भेटिन्छन् । तर, उहाँ त कुनै संकाेच, सुरक्षा विना सडकमै उभिएर मकै खाँदै बालबालिकासँग कुरा गर्न थाल्नुभयाे ।’ एक स्कुले बालिकाका अभिभावकले भने ।