४ वैशाख २०८३, शुक्रवार
४ वैशाख २०८३, शुक्रवार
एभरेस्ट इन्जिनियरिङ कलेजद्वारा अन्तर्राष्ट्रिय सम्मेलन आयोजना हुँदै
एक्सन खबर
काठमाडौं। एभरेस्ट इन्जिनियरिङ कलेज, सानेपा–ललितपुरले “सिभिल इन्जिनियरिङ नवप्रवर्तन तथा दिगो विकास (CEISD-2026)” विषयमा अन्तर्राष्ट्रिय सम्मेलन आयोजना गर्ने भएको छ । सम्मेलन आगामी २०८३ वैशाख १३ गते (२६ अप्रिल २०२६) मा आयोजना गरिने कलेजले जनाएको छ ।
सिभिल इन्जिनियरिङ विभागको आयोजनामा हुने उक्त सम्मेलनले अनुसन्धानकर्ता, प्राध्यापक, इन्जिनियर, नीति–निर्माता, उद्योगी तथा विद्यार्थीहरूलाई एकै मञ्चमा ल्याई नवीन सोच, अनुसन्धान निष्कर्ष र उत्कृष्ट अभ्यास आदान–प्रदान गर्ने अवसर प्रदान गर्ने लक्ष्य राखिएकाे छ ।
सम्मेलनमा प्रस्तुत गरिने उत्कृष्ट शोधपत्रहरूलाई इस्ट जर्नलमा DOI नम्बर सहित प्रकाशन गरिनेछ भने ती शोधपत्रहरू नेपाल जर्नल्स्स अननलाइनमा समेत समावेश गरिने जनाइएको छ । सम्मेलनमा नेपाल सँगै भारत, अस्ट्रेलिया, जर्मन, युएइका सहभागीहरूले ४० भन्दा बढी पेपर प्रस्तुत गर्नेछन् ।
सम्मेलनमा जलवायु अनुकूल पूर्वाधार, स्मार्ट यातायात प्रणाली, भूकम्प प्रतिरोधी संरचना, दिगो पानी तथा सरसफाइ, डिजिटल प्रविधि, शहरी योजना, नवीकरणीय ऊर्जा तथा वातावरण संरक्षणजस्ता समसामयिक विषयहरूमा छलफल हुने बताइएको छ ।
पाेखरा विश्वविद्यालयबाट सम्बन्धन प्राप्त एभरेस्ट इन्जिनियरिङ कलेजले आधुनिक प्रयोगशाला, अनुभवी प्राध्यापक र उद्योगसँगको सहकार्यमार्फत गुणस्तरीय इन्जिनियरिङ शिक्षा प्रदान गर्दै आएको छ ।
0 प्रतिकृया