काठमाडाैं । त्रिभुवन अन्तर्राष्ट्रिय विमानस्थलमा यात्रुहरूकाे विचल्ली भएकाे छ ।  त्रिभुवन अन्तर्राष्ट्रिय विमानस्थलको धावनमार्ग परीक्षणका लागि भइरहेको यान्त्रिक परीक्षण उडान अर्थात् क्यालिब्रेशन फ्लाइटका कारण उडान अस्तव्यस्त हुँदा विमानस्थलमा यात्रुहरू लामाे समयदेखि वेटिङमा बस्नु परेकाे छ ।

क्यालिब्रेशन फ्लाइटका कारण धेरै जहाज आकाशमै होल्ड भएका छन् । भने, आन्तरिक तथा अन्तर्राष्ट्रिय उडान हुने अधिकांश जहाज आकाशमै घुमिरहेका छन् । कतार एअरवेजको एउटा जहाजले १७ पटकभन्दा धेरै आकाशमा फन्का लगाएको छ । भारतबाट आएको विस्तारा एअरलाइन्सको जहाजले पनि फन्का लगाएको छ ।

केही आन्तरिक जहाज घुुमिरहेका छन् भने केही डाइभर्ट भएका त्रिभुवन विमानस्थल कार्यालयले जनाएको छ । आन्तरिक उडान विथाेलिँदा यात्रुहरू मर्कामा परेका छन् । काठमाडाैंबाट बाहिर जाने तथा काठमाडाैं भित्रने जहाजहरू समयमा नउड्दा यात्रुहरूले हैरानी व्यहाेरेका छन् । कतिपय एयरलायन्सहरूले बाेर्डिङ गरेर पनि यात्रुहरूलाइ बाहिर निकाल्ने तथा पुनः बाेर्डिङ गराउने गरिरहेका छन् ।