२५ भदौ २०८३, बिहिवार
२५ भदौ २०८३, बिहिवार
थाइल्यान्डको नाइटक्लबमा आगलागी हुँदा १४ को मृत्यु
एजेन्सी
बैंकक, २१ साउन । दक्षिणपूर्व थाइल्यान्डको चोनबुरी प्रान्तस्थित एउटा नाइट क्लबमा आगो लाग्दा कम्तीमा १४ जनाको मृत्यु भएको छ । आगलागीमा ४० जना घाइते भएका छन् ।
स्थानीय समयअनुसार शुक्रबार एक बजे सताहिप जिल्लास्थित माउन्टेन बी नाइटस्पोटमा उक्त आगलागी भएको थियो । आगलागीपछि मानिसहरुको भागदौड मच्चिएको थियो ।
आगलागीको कारण खुलेको छैन । एक तले उक्त भवनको पर्खालबाट आगो सल्किएको हुन सक्ने अग्नि नियन्त्रकहरुले अनुमान गरेका छन् । घटनाबारे प्रहरीले अनुसन्धान सुरु गरेको छ ।
2009 मा, बैंककमा नयाँ वर्षको दिन सान्टिका क्लबमा आगो फैलिएपछि 60 भन्दा बढी व्यक्तिको मृत्यु भएकाे थियाे । क्लबका मालिकसहित दुई जनालाई २०११ मा जेल हालिएको थियो ।
2012 मा लोकप्रिय थाई पर्यटक गन्तव्य फुकेटको एक नाइटक्लबमा आगलागी हुँदा चार जनाको मृत्यु हुँदा दर्जनौं घाइते भएका थिए ।
0 प्रतिकृया