सुनसरी, १९ भदाै । नेकपा एमालेले आसन्न प्रदेश सभा सदस्य निर्वाचनको लागि सुनसरीको क्षेत्र नं. ३ (क) बाट युवा सञ्चार उद्यमी विष्णु (समिर) कार्कीको नाम सिफारिस गरेको छ । पार्टीले जनभावना अनुसार युवा नेताहरुलाई अगाडि सार्ने रणनीति लिदै युवा उद्यमी कार्की सहितको नाम सिफारिस गरेको हो ।

एमाले सुनसरी ३ नं. क्षेत्रीय समन्वय कमिटीले कार्कीसँगै  लिलम बस्नेत र राेहित कार्किकाे नाम सिफारिस गरेकाे संयोजक उमेश पौडेलले जानकारी दिए ।

सुनसरीको इटहरीमा युवा लक्षित एरिना टेलिभिजन सञ्चालन गर्दै युवाहरुलाई व्यक्तित्व बिकासको लागि अवसर दिदै आइरहेका कार्कीले टेलिभिजन बाहेक पनि अन्य उद्योगहरु समेत सञ्चालन गर्दै आइरहेका छन् । युवाहरुको नेतृत्व विकास, प्रतिभा प्रस्फुटनमा समेत उत्तिकै योगदान दिँदै आएका कार्की राजधानी सरोकार समाजका सहसंयोजक भएर इटहरीमा प्रदेशको राजधानी बनाउने अभियानमा यस अघि सक्रिय थिए ।

युवाहरुको विच लोकप्रिय रहेका कार्कीले सुनसरीमा खेलकुदको विकासका लागि पनि योगदान दिएका छन् । उनले इटहरीमा रात्रीकालीन क्रिकेट र फुटबल प्रतियोगिताको समेत आयोजना गर्दै आएका छन् । शिक्षा, स्वास्थ्य लगायतका क्षेत्रमा असंख्य कामहरु गरेर उनी जनताबिच स्थापित छन् ।

देशभर जनताले नयाँ अनुहार र युवा नेतृत्वको माग गरिरहेको सन्दर्भमा सुनसरीको क्षेत्र नं. ३ (क) बाट कार्कीलाई एमालेले प्रदेश सांसदमा सिफारिस गरेकाेले सुनसरी ३ मा नेकपा एमालेकाे माहाैल बनेकाे छ ।