Follow us:


Follow us

२३ मंसिर २०७९, शुक्रवार
२३ मंसिर २०७९, शुक्रवार


सुन्दरीजल उर्जाशिल युवा समाजद्वारा चाडपर्वको शुभकामना आदान प्रदान

एक्सन खबर
असोज, ८, २०७९




सुन्दरीजल उर्जाशिल युवा समाजद्वारा चाडपर्वको शुभकामना आदान प्रदान

काठमाडौं, ८ असोज । सुन्दरीजल उर्जाशिल युवा समाजले नेपालीहरुको महान चाडहरु विजयादशमी, शुभदिपावली, नेपाल संवत तथा छठ पर्वको अवसरमा शुभकामना आदानप्रदान गरेको छ । शनिबार क्लबले स्थानीय तहका जनप्रतिनिधि, व्यवसायीहरुको सहभागीतामा कार्यक्रम गरेको हो ।

सुन्दरीजलमा आयोजित कार्यक्रमको प्रमुख अतिथिमा नेपाली कांग्रेसका प्रवक्ता प्रकाश शरण महत रहेका थिए । सो अवसरमा बोल्दै प्रवक्ता महतले युवाहरु देश विकासको संवाहक भएको चर्चा गर्दै सामाजिक, आर्थिक र राजनीतिक क्षेत्रमा युवाहरुको सहभागीताबाट नै मुलुकको विकास हुने बताए । समाजमा विद्यमान विक्रिति विसंगति विरुद्ध युवाहरु एक जुट भएर काम गर्नुपर्नेमा जोड दिँदै नेता महतले मंसिर ४ गतेको निर्वाचनमा युवाहरुले आफ्नो मताधिकार प्रयोग गर्दै सक्षम नेतृत्व चयन गर्नुपर्ने बताए ।

कार्यक्रमका विशिष्ट अतिथि नेपाल मेडिकल कलेजका प्रबन्ध निर्देशक बसरुद्धिन अन्सारीले युवाहरुमा रहेको जोश र जाँगरलाई देश विकास तथा समाज परिवर्तनमा खर्चनुपर्ने बताए । राजनीतिक, सामाजिक, आर्थिक क्षेत्रमा नविनतम सोच र आइडिया भएका युवाहरुको प्रवेश भए मुलुककाे विकास गर्न गाह्रो नहुने अन्सारीले जिकिर गरे । नेपाल मेडिकल कलेज नगरबासीको स्वास्थ्यप्रति सचेत रहेको जनाउँदै अन्सारीले आउँदा दिनहरुमा स्थानीय तह, युवाहरुसँग हातेमालो गर्दै स्वास्थ्य सेवाहरुलाई अझ प्रभावकारी र स्तरीय बनाउने जनाए । विजयादशमी, शुभ दिपावली, नेपाल संम्वत तथा छठपर्वको अवसरमा शुभकामना दिँदै नेकपा एमालेका नेता समेत रहेका अन्सारीले नेपाल विविध प्रकारको संस्कार, संस्कृति, परम्परा र जीवनशैलीको साझा फुलबारी रहेको पनि बताए ।

गोकर्णेश्वर नगरपालिकाका निवर्तमान मेयर सन्तोष चालिसेले नेपालीहरुका महान चाडहरु धर्म संस्कृति र पराम्पराले नेपालको पहिचान बोकेको बताए । मंसिर ४ गते हुन गइरहेको निर्वाचनमा युवाहरुको सहभागीता अपरिहार्य रहेको जनाउँदै व्यवस्थापन परिवर्तन भएपनि सुद्धिकरण हुन बाँकी रहेकोले आउँदो निर्वाचनले राजनीतिमा सुद्धिकरण गर्ने जनाए । पार्टीभित्र र सरकार सञ्चालन गर्ने सिलसिलामा पनि सुद्धिकरण गर्न युवाहरुले हातेमालो गर्न आवश्यक रहेको औल्याए ।

कार्यक्रममा क्लबमा आबद्ध युवाहरुले सास्कृतिक कार्यक्रम पनि प्रदर्शन गरेका थिए । युवा समाजले नगरपालिका तथा नगरका विभिन्न संघ संस्थाहरुको सहयोगमा कार्यक्रम आयोजना गरेको थियो ।




















0 प्रतिकृया