१७ भदौ २०८३, बुधवार
१७ भदौ २०८३, बुधवार
सुसंस्कृत समाज निर्माणमा शिक्षकहरुको योगदानः भगवती चौधरी
एक्सन खबर
सुनसरी, १० असोज । नेकपा एमालेकी नेतृ भगवती चौधरीले दक्ष जनशक्ति उत्पादन र योग्य नागरिक निर्माणमा शिक्षकहरुको भूमिका महत्वपूर्ण भएको बताएकी छिन् । सुनसरीको इटहरीमा नेपाल प्रगतिशिल प्राध्यापक संगठन १ नं. प्रदेश कमिटिले विजया दशमी दिपावली तथा छठ लगायतका चाडपर्वको अवसरमा आयोजना गरेको विचार गोष्ठि तथा शुभकामना आदानप्रदान कार्यक्रममा बोल्दै उनले शिक्षकहरुको योगदानलाई राष्ट्रले मुल्यांकन गर्नुपर्ने बताइन् ।
इटहरी स्थित जनता बहुमुखी क्याम्पसमा आयोजित कार्यक्रममा बोल्दै नेतृ चौधरीले सुसंस्कृत समाज निर्माणमा पनि शिक्षकहरुको भूमिका रहने बताउँदै नेकपा एमाले शिक्षकहरुका समस्या र हक अधिकारका लागि सदैव लागि पर्ने पनि बताइन् ।
चौधरीले विजयादशमी, दिपावली, नेपाल संम्वत, छठ पर्व लगायतको शुभकामना दिँदै नेपाली चाडपर्वहरुले सबै वर्ग, समुदाय, संस्कार र संस्कृतिलाई एकताबद्ध गराउन, आपसी भाइचारा वृद्धि गर्न समेत टेवा दिएको पनि बताइन् ।
0 प्रतिकृया