कैलाली, १८ पुस । फरवार्ड माइक्रोफाइनान्स लघुवित्त वित्तीय संस्थाले मृत्यु दावी रकम भुक्तानी गरेकाे छ । संस्थाकाे कैलाली चाैमालाको केन्द्र नं ४ का सदस्य जय कला देवी खत्रीकाे मृत्यु पश्चात उनका श्रीमान तारानाथ खत्रीलाई मृत्यु दावीको रकम हस्तान्तरण गरेको हो ।

चौमाला शाखाबाट मृतक खत्रीले २०७८ साल मंसिर २० गते १ लाख कर्जा लिएकाेमा उनकाे दुर्घटनामा परि मृत्यु भएकाे थियाे । उनकाे परिवारलाई कर्जा बिमा गरे अनुसार कर्जाको डबल र कृया खर्च गरी २ लाख २० हजार संस्थाको शाखा कार्यालय चौमाला मार्फत बुझाइएकाे हाे ।

संस्थाका चााैमाला शाखा कार्यालय प्रमुख गोमती जोराले संस्थाका प्रदेश प्रमुख रमेश कुमार चौधरी तथा समूहका अन्य सदस्य र कर्मचारीको उपस्थितिमा जयकला देवी खत्रीको नाममा रहेको कर्जा रकम ४७ हजार १ सय ३४ चुक्ता गरी निजका श्रीमान तारा नाथ खत्रीलाई बीमा दुर्घटना बिमाको बाँकी रकम १ लाख ७२ हजार ८६६ हस्तान्त्रण गरिएको हो ।

फरवार्ड माइक्राेफाइनान्सबाट कर्जा लिएकाहरूकाे कर्जा बीमा गरिएकाे हुन्छ । कथंकदाचित ऋणिकाे कर्जा भुक्तानी अगावै मृत्यु भएमा बीमाबाट उसले तिर्नु पर्ने रकम घटाएर बाँकी रकम हस्तान्तरण गर्ने गरिएकाे छ ।

सुनसरीकाे दुहवीमा प्रधान कार्यालय रहेकाे फरवार्ड माइक्राेफाइनान्सले महिलाहरूलाई सामुहिक जमानीमा सीप मुलक व्यवसाय गर्नका लागि लगानी गर्ने गर्दछ । फरवार्डबाट कर्जा लिएर सफल भएका महिलाहरूकाे संख्या देशभर हज्जाराैं छ । देशका ४० जिल्लामा १६० शाखा मार्फत फरवार्डमा जाेडिने महिलाहरूकाे संख्या करिब ३ लाख छ ।

फरवार्डकाे संस्थापक महिला अधिकारवादी नेतृ भगबती चाैधरी हुन् । उनी गएकाे प्रतिनिधि सभा निर्वाचनमा सुनसरी क्षेत्र नं. ३ बाट निर्वाचित भएर संसदमा गएपछि हाल संस्थाकाे अध्यक्षमा केशबराज पाैडेल नियुक्त भएका छन् । a