काठमाडौं, १४ जेठ । संघीय संसद्को दुवै सदनको संयुक्त बैठक आइतबार बस्दैछ । आज प्रतिनिधि सभा र राष्ट्रिय सभाका दुवै सदनका संयुक्त बैठक बस्न लागेकाे हाे ।

बिहान ११ बजे संघीय संसद् भवन नयाँ बानेश्वरमा बोलाइएको बैठकमा नियमावली मस्यौदा समितिको प्रतिवेदनमाथि दफावार छलफल र पारित हुने कार्यसूची रहेको संसद सचिवालयले जनाएकाे छ ।

संघीय संसद्को बैठक र संयुक्त समिति (कार्यसञ्चालन) नियमावली २०८० को मस्यौदा प्रतिवेदन संसदमा प्रस्तुत गर्ने संघीय संसद्को संयुक्त बैठक र संयुक्त समिति (कार्यसञ्चालन) नियमावली मस्यौदा समितिका सभापति ध्रुवबहादुर प्रधानले बताए ।

मस्यौदा प्रतिवेदनमाथि आएका संशोधनहरूलाई क्रमशः निर्णयार्थ प्रस्तुत गरिने र नियमावली पारित गर्ने कार्यसूची रहेको छ । यस्तै, आज दिउँसो प्रतिनिधि सभाको बैठक पनि बोलाइएको छ । दिउँसो १ बजे बस्ने बैठकमा अर्थमन्त्री डा. प्रकाशशरण महतले चालु वर्षको आर्थिक सर्वेक्षण पेश गर्ने कार्यसूची रहेकाे छ ।

राष्ट्रिय सभाको बैठक पनि दिउँसो १ बजेर १ मिनेटमा बस्ने संसद् सचिवालयले जानकारी दिएको छ ।

प्रतिनिधि सभाले हिजाे शनिबार आगामी आर्थिक वर्षको नीति तथा कार्यक्रम पारित गरिसकेको छ । भने, भाेली जेठ १५ गते बजेट ल्याउने छ । जेठ १५ गते बजेट ल्याउनुपर्ने संवैधानिक व्यवस्था छ ।