काठमाडाैं, २३ जेठ । प्रतिनिधि सभा र राष्ट्रिय सभा दुवैको बैठक मंगलबार बस्दैछ । संसद् सचिवालयका अनुसार प्रतिनिधि सभाको बैठक बिहान ११ बजे बस्नेछ । भने, राष्ट्रिय सभाको बैठक दिउँसो ११ बजेर ११ मिनेटमा बोलाइएको छ ।

संसद सचिवालयका अनुसार अर्थमन्त्री डा. प्रकाशशरण महतले जेठ १५ गते पेश गरेकाे आगामी २०८०/०८१ को बजेट माथि छलफल गर्न बैठक बाेलाइएकाे हाे ।

प्रतिनिधि सभा बैठकमा आगामी २०८०/०८१ को राजश्व र व्ययको वार्षिक अनुमानमाथिको सामान्य छलफल जारी रहने संसद् सचिवालयले बताएको छ ।

राष्ट्रिय सभा बैठकमा पनि आजबाट बजेटमाथिको छलफल सुरू हुने तथा  प्रधानमन्त्री पुष्पकमल दाहाल ‘प्रचण्ड’ले भर्खरै गरेको भारत भ्रमणको जानकारी गराउने कार्यसूची राखिएको छ ।

प्रधानमन्त्री खप्तड जाने तयारी रहेकाले राष्ट्रिय सभामा भ्रमणबारे आज जानकारी गराउने या नगराउने यकिन नभइसकेको उनको सचिवालयले जानकारी गराएकाे छ ।