क्यालिफोर्निया, ५ साउन । अमेरिकाको क्यालिफोर्निया राज्यबाट एउटा अनौठो र अचम्मलाग्दो खबर बाहिर आएको छ, जहाँ एक महिलाले आफ्नो नवजात शिशुको हेरचाह गर्न असमर्थ रहेको भन्दै रेष्टुरेन्टमा बसेका दम्पतीलाई सुम्पिएर हिँडेकी छिन् ।

क्यालिफोर्नियाको हलिउड रेष्टुरेन्टमा भएको यो घटनापछि दम्पतीले नवजात शिशुलाई प्रहरीलाई सुम्पेका छन् । बालक करिब १ महिनाको रहेको बताइएको छ । दम्पतीले बच्चा बेभर्ली हिल्स प्रहरीलाई सुम्पेका छन् । यो घटना सनसेट ब्लभिडको क्रिस एन एडीमा गत मंगलबार, जुलाई १८ को मध्यरात पछि भएको थियो ।

न्यूयोर्क पोस्टका अनुसार क्यालिफोर्नियाको दम्पतीलाई बच्चा हस्तान्तरण गर्दा अपरिचित महिलाले अब आफ्नो बच्चाको हेरचाह गर्न नसक्ने बताएकी थिइन् । केही समय पछि दम्पती बेभर्ली हिल्स प्रहरीमा गएर बच्चालाई सुम्पिएका थिए ।

न्युयोर्क पोस्टका अनुसार नवजात शिशुको स्वास्थ्य राम्रो रहेको प्रहरीले जनाएको छ । तर, परीक्षणका लागि क्षेत्रीय अस्पताल लगिएको थियो । बेभर्ली हिल्स पुलिसले यो केस लस एन्जलस पुलिसलाई सुम्पेको छ । लस एन्जलस पुलिसले अब के गर्ने ? भनेर विचार गरिरहेको छ ।

क्यालिफोर्नियाको सामाजिक सेवा विभागका अनुसार सुरक्षित आत्मसमर्पण शिशु कानून, क्यालिफोर्निया स्वास्थ्य र सुरक्षा कोड, सेक्शनले निर्दिष्ट परिस्थितिहरूमा नवजात शिशुको आत्मसमर्पणको लागि सुरक्षित विकल्प प्रदान गर्दछ ।

सुरक्षित समर्पण बालबालिका ऐन अन्तर्गत, आमाबाबु वा कानुनी हिरासतमा रहेको व्यक्तिले जन्मेको ७२ घण्टाभित्र गोप्य रूपमा र अभियोगको डर बिना बच्चालाई सुरक्षित रूपमा समर्पण गर्न सक्छन् ।