विशाल बस्नेत

महोत्तरी, ११ साउन । महोत्तरीस्थित एनमवी बैंकको शाखामा दिनदहाडै लुटपाट गर्ने एक जनालाई प्रहरीले झण्डै दुई महिनापछि पक्राउ गरेको छ । १६ जेठमा महोत्तरी गाउँपालिका रहेको उक्त बैंकमा लाखौ रकम लुटपाट गरेर फरार भएका मध्यका एक जना भारतीयलाई प्रहरीले पक्राउ गरेको हो ।

बिहार प्रदेश अन्तर्गत मधुवनी जिल्लाको २० बर्षिय अजय कुमारलाई पक्राउ गरिएको प्रहरीले जनाएको छ । झण्डै ४,५ जनाको समुहमा आएका नकावधारी समुहले २ जेठको दिउँसो ११ बजे लगभग ५१ लाख रुपैया सहित कर्मचारीको मोबाइल समेत लुटेर फरार भएका थिए ।

त्यसयता विभिन्न माध्यमबाट अनुसन्धान गरिरहेको प्रहरीले पक्राउ गर्न ढिला भएपछी निक्कै आलोचना समेत खेप्नुपर्‍यो । पक्राउ परेका उनलाई मुलुकी अपराध संहिता २०७४ अन्तर्गत हातहतियार र चोरी शिर्षकमा मुद्दा दर्ता गरेर थप अनुसन्धान भइरहेको प्रहरी उपरीक्षक प्रकाश मल्लले जानकारी दिए ।