काठमाडौं, ४ असोज । महासमितिकाे एजेण्डा तय गर्न नेपाली कांग्रेसको केन्द्रीय कार्यसमिति बैठक आजदेखि बस्दैछ । कांग्रेस सचिवालयले बैठक दिउँसो १ बजेदेखि सुरु हुने जानकारी दिएको छ ।

मंसिर १३ देखि १५ सम्म महासमिति बैठक बाेलाइएकाेले मुख्य एजेन्डा तय गर्न सचिवालय बैठक बाेलाइएकाे हाे । यसका साथै बैठकमा पोलिसी ह्याकाथन, बीपी साहित्य महोत्सव, साउन २० देखि ३० सम्मको संगठन सुदृढीकरणको समीक्षाका साथै समसामयिक विषयमा छलफल हुने बताइएकाे छ ।

गठबन्धन सरकारमा कांग्रेसकाे भूमिका, समसामयिक राजनीतिक विषयमा समेत सचिवालयमा छलफल हुने एक नेताले बताए । केन्द्रीय कार्यसमितिको बैठकअघि बिहान पदाधिकारीको बैठक बस्दैछ ।