काठमाडौं, ५ असोज । नेपाल मेडिकल कलेजले दक्ष विशेषज्ञ डाक्टरसहित विभिन्न पदमा दरखास्त मागेको छ । कलेजले सूचना प्रकाशित गरी विभिन्न १३ पदमा दरखास्त आब्हान गरेको हो ।

कलेजले पब्लिक न्यूरो सर्जन, ट्रान्सप्लास्ट फिजिसिएन, कार्डियोलोजिस्ट, नेफ्रोलोजी, ग्यास्ट्रोइन्ट्रोलोजी सर्जन, न्यूरो फिजिसिएन, डेण्टल, क्रिटिकल केयर मेडिसिनमा डिएम/एमडी, एमएस/एमसिएच लगायत विशेषज्ञता हासिल गरेका डाक्टरहरु माग गरेको छ ।

स्वास्थ्य सेवालाई गुणस्तरीय, प्रभावकारी र विशेषज्ञ जनशक्ति युक्त बनाउन थप चिकित्सकहरु माग गरिएको कलेजका डाइरेक्टर जहाँगिर अन्सारीले बताएका छन् । कलेजमा चाँडै क्याथल्याव, अंकोलोजी लगायतका सेवाहरु थप गर्ने भएकाले नयाँ जनशक्ति माग गरिएको हो ।

यस्तै, कलेजले प्रशासनिक क्षेत्रमा पनि जनशक्ति माग गरेको छ । पब्लिक रिलेसन अफिसर, क्यास काउन्टर इन्चार्ज, प्रकुमेन्ट अफिसर, बायाेमेडिकल, आइटी पनि माग गरिएको छ । योग्यता पुगेका जनशक्तिले इमेल मार्फत व्यक्तिगत विवरण र आवेदन दिन सक्छन् ।