काठमाडाैं, १६ असाेज । १९औँ एसियाली खेलकुदअन्तर्गत पुरुष क्रिकेटमा भारतसँग नेपाल पराजित भएकाे छ । मंगलबार बिहान भएकाे नेपाल र भारतबीच भएको क्वाटरफाइनलमा भारत २३ रनले विजयी भएको हाे ।

टस जितेर ब्याटिङ रोजेको भारतले ४ विकेटको क्षतिमा २०२ रन बनाएकाे थियाे । नेपालले ९ विकेट र पूरै ओभरको क्षतिमा १७९ रन मात्र बनाउँदा प्रतियाेगिताबाट बाहिरियाे ।

खेलमा नेपालका लागि सर्वाधिक दीपेन्द्र सिंह ऐरीले ३२ रन बनाउँदा १५ बलमा ४ छक्का प्रहार गर्दै ३२ रन बनाए । कुशल मल्ल २२ बलमा २९ रन बनाउँदै आउट भए । भने कुशल भुर्तेलले ३२ बलमा २८ रन बनाउँदै आउट भए । उनले ४ चौका र १ छक्का प्रहार गरे ।

नेपालले २९ रन जोड्दा पहिलो विकेटको रुपमा आसिफ शेखलाई गुमाएको थियाे । कप्तान रोहित पौडेल नेपालका लागि चौथो विकेट बने । उनले ५ बलमा तीन रन मात्र बनाउँदा। छैटौँ विकेटको रुपमा नेपालले सन्दिप जोरालाई गुमायो । उनी १२ बलमा ३ छक्का १ चौका प्रहार गर्दै २९ रनमा समेटिए । सोमपाल कामी ७ र गुल्सन ६ रन बनाउँदै आउट भए । नवौँ विकेटको रुपमा नेपालले सन्दीप लामिछानेलाई गुमायाे । उनले ४ बलमा ५ रन बनाए ।

भारतले निर्धारित २० ओभर खेल्दै ४ विकेटको क्षतिमा २०२ रन जोड्दा यसस्वी जैसवाल एक सय रन जोडेर आउट भए । उनले ४८ बलमा सतक पूरा गरे । रुतुराज गाइक्वाडले २५ रन बनाउँदा रिंकु सिंहले १५ बलमा ३७ रन बनाउन सफल भए ।

नेपालका लागि दीपेन्द्रसिंह ऐरीले दुई तथा सोमपाल कामी र सन्दीप लामिछानेले एक एक विकेट लिए । नेपाल प्रतियाेगिताकाे उपाधि दावेदार टाेली थियाे ।

नेपालले समूह चरणमा मंगोलियालाई २ सय ७३ रन र माल्दिभ्सलाई १ सय ३८ रनले हराएको थियो । भारतले अव बुधबार हुने बंगलादेश र मलेसियाबीचको विजेतासँग शुक्रबार सेमिफाइनल खेल्नेछ ।