चितवन, १७ असाेज । चितवनकाे भरतपुर महानगरपालिकामा नेकपा माओवादीमा रहेका ईसाई धर्मावलम्बीहरुले भ्रातृ संगठन निर्माण गरेका छन् । कार्यक्रमकाे प्रमुख अतिथी भरतपुर महानगरकी मेयर रेनु दाहाल थिइन् । माओवादी निकट ‘प्रगतिशील ईसाई मञ्च’ गठन गरिएको हो ।

गत साता भरतपुरको अतिथि पार्टी प्यालेसमा आयोजित कार्यक्रममा करिब १५० जना क्रिश्चियन धर्मावलम्बीहरु सहभागी रहेका थिए । सम्मेलनले शिवु क्षेत्री अध्यक्ष रहेको प्रगतिशील ईसाई मञ्चको घोषणा गरेको हाे ।

सम्मेलन ईसाई पहल समिति चितवनका संयोजक सुमन लुगेंलीको अध्यक्षतामा भएको थियो । सम्मेलनमा प्रतिनिधिसभाका पूर्वसांसद तथा माओवादी केन्द्रका केन्द्रीय सदस्य श्यामकुमार श्रेष्ठ, बागमती प्रदेश सांसद तथा माओवादी केन्द्र भरतपुरका अध्यक्ष ईश्वर सापकोटालगायत उपस्थित थिए ।