विराटनगर, २७ असाेज । नेकपा एमालेकाे समर्थनमा कांग्रेसका केदार कार्की कोशी प्रदेशको मुख्यमन्त्रीमा नियुक्त भएका छन् । शनिबार बिहान ४७ जना सांसदहरूको हस्ताक्षर सनाखतपछि प्रदेश प्रमुख पर्शुराम खापुङले कार्कीलाई मुख्यमन्त्री नियुक्त गरेका हुन् ।

कोशीको मुख्यमन्त्रीमा माओवादी केन्द्रका इन्द्र आङ्बोले पनि बहुमत सांसदहरूको हस्ताक्षरसहितको दाबी पेश गरेका थिए । तर, नेपाली कांग्रेसका ८ सांसदहरूले केदार कार्कीलाई समर्थन गरेका छन् । कार्की शेखर काेइराला पक्षका हुन् ।

आङ्बो पक्षका सांसदहरू भने सनाखतका लागि उपस्थित भएका छैनन् । हस्ताक्षर सनाखतका लागि प्रदेश प्रमुख खापुङले दिउँसो २ बजेसम्मको समय निर्धारण गरेका छन् ।