काठमाडौं, १८ कार्तिक । शुक्रबार मध्यराति जाजरकोट केन्द्रविन्दु भएर गएको भूकम्प जमिनको सतहबाट करिब १० देखि १२ किलोमिटर मुनि रहेकाे राष्ट्रिय भूकम्प मापन तथा अनुसन्धान केन्द्रले बताएकाे छ ।

केन्द्रका अनुसार ६.४ म्याग्निच्युटकाे भूकम्प पछि चार घण्टाको अवधिमा ४ म्याग्निच्युडभन्दा माथिका तीनवटा परकम्प गएका छन् । ‘गएरातिको भूकम्प आफैंमा परकम्प हो, अरु साना कैयौं परकम्पहरु गएका छन् । ४ रेक्टरभन्दा माथिका तीनवटा परकम्प मापन भएको छ ।’ केन्द्रका एक भूकम्पविद्ले भने ।

जाजरकोटको रामिडाँडा आसपास केन्द्रविन्दु बनाएर ११ बजेर ४७ मिनेटमा ६ दशमलब ४ म्याग्निच्युडको भूकम्प गएको थियो । भूकम्पका कारण हालसम्म रूकुम पश्चिम र जाजरकाेटमा गरी १२९ काे ज्यान गएकाे छ ।, १४० घाइते भएका छन् । तस्विरः रासस