काठमाडौं, २४ कार्तिक । तिहारको पूर्वसन्ध्यामा हुने धनतेरसमा सामान्यतया नयाँ सामानहरु घर भित्र्याइने गरिन्छ । सुन, चाँदी, तामा तथा धातुका सामानसँगै घरायसी सामान धन तेरसमा घरमा भित्र्याउँदा लक्ष्मीको सधैं बास हुन्छ भन्ने मान्यता अनुसार नयाँ सामान भित्र्याउने गरेपछि पछिल्लो समय बीमातर्फ पनि आकर्षण बढेको पाइएको छ ।

सानिमा रिलायन्स इन्स्योरेन्स जोरपाटी शाखामा आज धन्तेरसकै दिन केहीले जीवन बिमा योजना लिएका छन् । चावहिल सरस्वती नगरमा टेलर्स चलाएर बसेकी विनितादेवी कुशवाहाले आजै सर्वोत्कृष्ट बचत तथा जोखिम हस्तान्तरण सुखमय जीवन बीमा गराएकी छिन् । सरस्वती नगरमा विनिता टेलर्स चलाएर बसेकी कुशवाहाले आफ्नो तथा परिवारको स्वास्थ्य सुरक्षा, जीवन सुरक्षासँगै व्यवसायिक सुरक्षाका लागि बीमा गराएकी हुन् ।

यस्तै आजकै दिन राज फेसन कलेक्सन बाैद्धका राजकुमार खतिवडाले सिमित भुक्तानी जीवन बीमा र रमेश रेग्मीले छोरा संयोग रेग्मीको ‘मेराे मुटु बाल जीवन बीमा’ गराएको सानिमा रिलायन्स इन्स्योरेन्स जोरपाटी शाखाका मार्केटिङ मेनेजर प्रकाश कलेलले बताए ।

पछिल्लो समय आम सर्वसाधारण बीमा क्षेत्रमा आकर्षित भइरहेको र कतिपय चाडपर्वमा हुने फजुल खर्चलाई समेत जोगाउँदै बीमामा लगानी गरिरहेको मार्केटिङ मेनेजर कलेलको भनाई छ । ‘बीमा भनेको फजुल खर्च हैन, जीवनको अङ्ग हो भन्ने आम नागरिकले बुझिसक्नु भएको छ । चाडपर्वमा खर्च गर्ने फजुल खर्चलाई बरु बीमामा लगानी गरौं भन्ने सचेतना बढ्दो छ ।’ उनले भने ।

सानिमा रिलायन्सका बीमा कार्यक्रममा सर्वसाधारणको उत्साहजनक सहभागिता देखिएको छ । सानिमा रिलायन्सले ल्याएका बीमाका पोलिसीहरु अन्य बीमा कम्पनीको भन्दा फरक, सर्वसुलभ र प्रभावकारी रहेको जोरपाटी शाखा प्रबन्धक लक्ष्मण पराजुलीले जानकारी दिए । ‘बीमा गरिसकेपछि बीमितलाई सहजरुपमा सेवा प्रवाह गर्नुपर्छ भन्ने हाम्रो धारणा हो । हामीले दिने सेवाकै कारण सानिमा रिलायन्सले ल्याएका बीमा पोलिसीहरु आम उपभोक्ताले अत्याधिक रुचाउनु भएको छ ।’ शाखा प्रबन्धक पराजुलीले भने ।

सानिमा रिलायन्सले ल्याएको सरल जीवन बीमा योजना बीमितहरुले रुचाएका छन् । एउटै बीमाबाट दुर्घटना मृत्यु सुविधा, पूर्ण स्थायी अशक्तता, बीमा छुट सुविधा, घातक रोग रक्षावरण जस्ता सुविधाहरु रहेकाले बीमितहरुको रोजाईमा पर्ने गरेको छ ।