काठमाडौं, ५ मंसिर । नेपाल मेडिकल कलेज शिक्षण अस्पतालले कार्डियोलोजिस्टसहित दक्ष चिकित्सक माग गरेको छ । कलेजले आज एक सूचना प्रकाशित गरी मेडिकल अफिसर, विषयगत चिकित्सक र आइटी असिस्टेन्ट माग गरेको हो ।

कलेजले नेपाल मेडिकल काउन्सिलमा दर्तावाला मेडिकल अफिसर, क्लिनिकल मनोबैज्ञानिक, न्यूरो फिजिसियन समेत माग गरेको छ । योग्यता पुगेका इच्छुक उम्मेदवारले आफ्नो योग्यताको प्रमाणपत्र र बायोडाटाहरु इमेलमार्फत कलेजमा पठाउन सक्नेछन् । कलेजले सर्टलिस्टमा परेका उम्मेदवारलाई सम्पर्क गरी अन्तरवार्ताकालागि समय तोक्नेछ ।

पछिल्लो समय कलेजमा नयाँ स्वास्थ्य सेवा सूचारु गर्न तथा स्वास्थ्य सेवालाई अझ गुणस्तरीय बनाउन दक्ष जनशक्तिहरु ब्यवस्थापन गर्न प्रशासन लागि परेको कलेजका डाइरेक्टर जहाँगिर अन्सारीले बताएका छन् । २ वर्षअघि नयाँ ब्यवस्थापनमा आएको कलेजले मेडिकल शिक्षासँगै स्वास्थ्य सेवालाई सुधार्दै सवस्पेशियालिटी र सुपरस्पेशियालिटी सेवाहरु थप गर्न लागेकोले नयाँ जनशक्तिहरु माग गरेको हो ।