झापा, २० मंसिर । विराटनगरस्थित नोवेल मेडिकल कलेज टिचिङ्ग हस्पिटलले झापाकाे दमकमा एकदिने न्यूराे सम्बन्धी निःशुल्क स्वास्थ्य शिविर सञ्चालन गरेकाे छ । दमक हस्पिटल एण्ड रिसर्च सेन्टर, दमक नगरपालिकाको आयोजनामा मंसिर १५ गते दमक हस्पिटलको भवनमा न्यूरो सर्जरी सम्बन्धी एक दिने निःशुल्क स्वास्थ  शिविर गरेकाे हाे ।

न्यूरो सम्बन्धी विरामीहरुलाई लक्षित गरी स्थानिय स्तरमा नै नोवेलको विशेषज्ञ चिकित्सकबाट निःशुल्क स्वास्थ्य परीक्षण र उपचार सेवा पुर्याउने उद्देश्यले शिविर आयोजना गरिएकाे थियाे । शिविरमा नोवेलका बरिष्ठ न्यूरो सर्जन डा. प्रकाश काफ्ले साथै सिनियर फिजियोथेरापीष्ट नरेन्द्र जोशीले विरामीको परीक्षण, उपचार र परामर्श सेवा प्रदान गरेकाे नाेबेलले जनाएकाे छ ।

न्यूराे सम्बन्धी शिविरमा ३९ जना पुरुष र ४२ जना महिला गरी ८१ जना विरामीको स्वास्थ्य परीक्षण गरिएकाे छ । साे क्रममा आवश्यक्ता अनुसार विरामीहरुलाई आधारभूत फिजियोथेरापी समेत सिकाईएको थियो ।
नोवेलले विशेषज्ञ सहितको निःशुल्क स्वास्थ्य शिविरको नियमित रुपमा आयोजना गर्दै आएको छ ।

नाेबेल मेडिकल कलेजका सञ्चालक समेत रहेका माेरङ निर्वाचन क्षेत्र नं. ३ का सांसद डा. सुनिलकुमार शर्माले गरिब, असहाय, विपन्न नागरिककाे घरदैलाेमा स्वास्थ्य सेवा पुर्याउने उद्देश्यले लामाे समयदेखि निःशुल्क स्वास्य शिविर चलाउँदै आएका छन् । डा. शर्माकाे पहलमा भइरहेकाे निःशुल्क स्वास्थ्य शिविरबाट अहिलेसम्म लाखाैं सर्वसाधारण जनता लाभान्वित भइसकेका छन् ।