काठमाडाैं । नेकपा एमालेका सांसद लक्ष्मी महताे काेइरीकाे निलम्बन फुकुवा भएकाे छ । कर्तब्य ज्यान सम्बन्धी मुद्दामा निलम्बनमा परेका काेइरीकाे सांसद पद फुकुवा गरिएकाे हाे । काेइरी महोत्तरी क्षेत्र नम्बर २ बाट निर्वाचित सांसद हुन् ।

कर्तव्य ज्यानलगायत मुद्दा लागेपछि गत वैशाख १९ गते कोइरीलाई प्रतिनिधि सभा सांसदबाट निलम्बन गरिएको थियो । भने, उनी लामाे समय सम्पर्क विहिन रहेका कोइरीलाई महोत्तरी जिल्ला अदालतले सफाइ दिएसँगै सभामुख देवराज घिमिरेले सांसद पद निलम्बन फुकुवा गरेका हुन् ।

सभामुख घिमिरेले कोइरीको सांसद पद निलम्बन फुकुवा गरेको संघीय संसदका कार्यवाहक महासचिव पद्मप्रसाद पाण्डेयले जारी गरेको सूचनामा उल्लेख छ ।

२०७७ सालमा उच्च अदालत जनकपुरले सशस्त्र प्रहरी बलका असई थमन बिकको हत्या अभियोगमा पुर्पक्षका लागि जेल चलान गर्नुपर्ने सजाय सुनाएदेखि काेइरी फरार थिए । उनी २०७९ मंसिर ४ गते सम्पन्न प्रतिनिधि सभा निर्वाचनमा महोत्तरी १ बाट निर्वाचित भएका थिए ।

हेर्नुहाेस सूचना