काठमाडाैं । सरकारको एक वर्षे उपलब्धिसहित प्रधानमन्त्री पुष्पकमल दाहाल ‘प्रचण्ड’ले आज साँझ राष्ट्रका नाममा सम्बोधन गर्ने भएका छन् । प्रधानमन्त्री प्रचण्डले सरकारको एक वर्षे उपलब्धिसहित साँझ पाँच बजे राष्ट्रका नाममा सम्बोधन गर्न लागेका हुन् ।

सरकार गठनकाे एक वर्ष पुगेको अवसरमा प्रधानमन्त्री प्रचण्डले मंगलबार राष्ट्रको नाममा सम्बोधन गर्न लागेको प्रधानमन्त्रीका प्रेस सल्लाहकार गोविन्द आचार्यले बताए ।

तेस्रोपटक प्रधानमन्त्री भएका माओवादी केन्द्रका अध्यक्ष प्रचण्डले आफ्नो कार्यकाल पहिलाे पटक एक वर्ष पूरा गरेकोले विशेष संवाेधन गर्न लागेका हुन् । संवाेधनमा एक वर्षकाे अवधिमा सरकारले हासिल गरेका उपलब्धीहरू बारे जानकारी दिने तथा आगामी कार्ययाेजना बारे जानकारी दिइनेछ ।

गत पुस १० गते प्रधानमन्त्री नियुक्त भएका ‘प्रचण्ड’लाई नेकपा एमाले, राष्ट्रिय स्वतन्त्र पार्टी, राप्रपालगायत दलले समर्थन गरेका थिए । एमाले सरकारबाट बाहिरिएपछि कांग्रेस, नेकपा एकीकृत समाजवादीलगायत दलहरू सरकारमा सहभागी भएका थिए ।