काठमाडौं । अनुयायीको हत्या गरेको, बेपत्ता बनाएको र बलात्कार गरेको आरोप लागेका तपश्वी रामबहादुर बम्जनलाई प्रहरीले पक्राउ गरेकाे छ । उनलाई केन्द्रीय अनुसन्धान ब्युरो सीआईबीको टोलीले काठमाडौंकाे बुढनिलकण्ठबाट पक्राउ गरिएकाे प्रवक्ता नवराज अधिकारीले जानकारी दिए ।

सर्लाही, नुवोकाट, मकवानपुरका युवती तथा महिलालाई बलात्कार गरेकाे तथा वेपत्ता पारेको आरोप लागेका बम्जनलाई मंगलबार बुढानिलकण्ठको हात्तीगौडास्थित एक घरबाट पक्राउ गरेकाे हाे । उनी त्यहाँ श्रीमती तथा छाेराछाेरी सहित बस्दै आएकाे सूचना पाएपछि सिआइबी) का डिएसपी धर्मराज भण्डारीको नेतृत्वको टोली पुगेकाे थियाे ।

बम्जनलाई पक्राउ गर्न २०७६ साल पुसमा सिन्धुपाल्चोकको इन्द्रावती–६ बाँडेगाउँ तथा २०७७ साल असारमा सिन्धुलीकाे कमलामाई नगरपालिका ९ पैरेको आश्रममा प्रहरीले छापा समेत हानेको थियो ।

उनीविरूद्ध आश्रममा बस्दै आएका तीन जना युवती र दुई युवालाई बेपत्ता पारेको उजुरी विभिन्न प्रहरी कार्यालयमा दर्ता भएको थियो । तीमध्ये एक जनालाई उनले सिन्धुपाल्चोकस्थित आश्रममा हत्या गरी शवसम्म बेपत्ता पारेको थिए ।

उनीविरूद्ध गंगामायाले बलात्कारको जाहेरी दिएकाेमा उनकाे मुद्दा सर्लाही जिल्ला अदालतमा विचाराधिन छ । आफुलाई ‘लिलिट बुद्ध’ भनेर चिनाउने बम्जन २०७४ सालदेखि प्रहरीकाे खाेजीमा थिए ।