काठमाडौं । ब्रेन ट्युमर शल्यक्रियामा नयाँ अपडेटहरूबारे छलफल गर्न र नयाँ प्रविधिहरू परिचय गर्न विभिन्न विषयका १५ जना संकायहरूलाई काठमाडौं मेडिकल कलेजले काठमाडौं ल्याएको छ ।
केएमसीको न्यूरोसर्जरी विभागले आयोजना गरेको GLIOMA WORKSHOP 2024 कार्यशालामा नेपालभरका ५६ जना डाक्टरहरु मुख्यतः न्यूरोसर्जन र न्यूरोसर्जिकल प्रशिक्षार्थीहरूको सहभागिता रहेको थियो । कार्यशाला न्यूरोसर्जरी विभागका प्रमुख प्रा.डा. अमित थापा र जर्मनीको डसेलडोर्फका प्रख्यात न्यूरो–अन्कोसर्जन प्रोफेसर माइकल साबेल र प्रोफेसर मेरियन र्यापले आयोजना गरेका थिए ।
कार्यशालाका पाठ्यक्रमले भर्खरको प्रमाणमा आधारित अभ्यासहरू मात्र होइन, अल्ट्रासाउन्ड, इन्ट्राअपरेटिभ न्यूरोमोनिटरिङ प्रणाली, टिश्यू फ्ल्यूरोसेंसमा आधारित सर्जिकल प्रविधिहरू र क्याभिट्रोन एस्पिरेटरहरूको प्रयोग सम्बन्धी विभिन्न ह्यान्ड्स–अन सत्रहरू मार्फत नेपाली शल्यचिकित्सकहरूमा मस्तिष्क ट्यूमरको शल्यक्रियाबाट व्यवस्थापन गर्ने रुचि र सीपहरू सिर्जना गर्न सक्षम भएको छ ।
काठमाडौं मेडिकल कलेजका न्यूरोसर्जरी विभागले प्रयोग गरेको नवीनतम प्रबिधि र ब्रेन ट्यूमर सम्बन्धित शल्यक्रियाको भिडियो र अभिलेखहरु हेरेर जर्मनीका न्यूरो–अन्कोसर्जनहरु प्रभावित भएका थिए । उनीहरुले भविष्यमा जर्मनीका बिद्यार्थीहरु नेपाल आएर यहाँ भईराखेको उत्कृष्ट चिकित्सकीय अभ्यासका कार्यबाट नयाँ कुराहरु सिक्न सक्ने अपेक्षा गरे । उनीहरुले नेपालका न्यूरोसर्जनहरुसँग अनुसन्धनात्मक र सृजनात्मक कार्यहरु गर्न इच्छुक रहेको पनि बताए ।
यस कार्यशालाको मुख्य विशेषता भनेको ब्रेन ट्युमरको शल्यक्रियालाई अझ प्रभावकारी बनाउनु हो । 5 ALA भन्ने फ्लोरोसेंट डाई, ट्यूमर कोशिकाहरूद्वारा लिइन्छ र यसलाई शल्यक्रियाको समयमा पहिचान गर्न सकिन्छ । जुन कहिलेकाहीँ माइक्रोस्कोप मुनि पनि सामान्य बत्तीहरूमा गाह्रो हुन्छ । अनुसन्धानले देखाएको छ कि यो मोडालिटी प्रयोग गरेर बाँच्ने दर सुधार्न सकिन्छ ।
इन्टरनेशनल एजेन्सी फर रिसर्च अन क्यान्सरका अनुसार नेपालमा ब्रेन ट्युमरले हरेक वर्ष १.३% नयाँ व्यक्तिहरु प्रभावित हुन्छन् र यो देशमा सबै उमेरका मानिसको मृत्युको १५ औँ प्रमुख कारण पनि हो । प्रा.डा. अमित थापाले समयमै क्यान्सरको प्रारम्भिक पहिचान गर्नु क्यान्सर रोगको निदान गर्ने महत्वपूर्ण सूत्र रहेको बताए ।
काठमाडौं मेडिकल कलेजमा पछिल्लो २ वर्षमा रेडियो–डायग्नोसिट्कमा उल्लेखनीय प्रगति भएको छ । पछिल्लो १२८ स्लाइस सीटी स्क्यान र ३ टेस्ला एमआरआईले कैंसर डायग्नोसिस प्रभावकारी भएको कलेजले जनाएको छ ।
न्यूरोसर्जरी विभागले दक्षिण पूर्व एशियाका केही केन्द्रहरूमा मात्र उपलब्ध नवीनतम उपकरणहरू र ग्याजेटहरू, रोबोटिक बायोप्सी, रोबोटिक माइक्रोस्कोप, नवीनतम नेभिगेसन प्रणाली र इन्ट्राअपरेटिभ अल्ट्रासाउन्ड र न्यूरोमोनिटरिङ प्रणालीहरूको सफल प्रयोग गर्दै आएको छ ।
एक्सन खबर
0 प्रतिकृया