काठमाडाैं । फर्टिलिटी सोसाईटी अफ नेपाल (एफईएसओएन)को नयाँ कार्यसमिति निर्वाचित भएको छ । शनिबार सम्पन्न संस्थाको पहिलो बार्षिक साधारण सभाले नेपाल मेडिकल कलेजका अध्यक्ष बरिष्ठ प्रसूति तथा स्त्री रोग विशेषज्ञ डा. भोला रिजालको अध्यक्षतामा नयाँ कार्यसमिति निर्विरोध निर्वाचित गरेको हो ।

साधारण सभाबाट बरिष्ठ उपाध्यक्षमा डा. उमा श्रीवास्तव, उपाध्यक्षमा डा. ज्ञानेन्द्रमानसिंह कार्की, डा. सानुमैया श्रेष्ठ र  डा. सविना श्रेष्ठ निवार्चित भएका छन् । महासचिवमा डा. स्वस्ति शर्मा, सह महासचिव पदमा डा. रश्मि श्रीश र कोषाध्यक्षमा डा. मीरा थापा निर्वाचित भएका छन् ।

समितिकाे सदस्यहरुमा डा. उषा खाँण, डा. प्रेरणा दाहाल, डा. चेतना श्रेष्ठ, डा. गिरिधर शर्मा निर्वाचित भएका छन् । फर्टिलिटी सोसाईटी अफ नेपाल पहिले डा. रिजालकै नेतृत्वमा तदर्थ समितिकाे रूपमा रहेकाे थियाे ।

सोसाइटीमा अहिलेसम्म ४५ जना सदस्य छन् । भने, नयाँ कार्यसमितिको कार्यकाल दुई वर्षको रहने छ । नेपालमा निसन्तान सेवाकाे विकासमा अन्तराष्ट्रिय स्तरकाे सेवा प्रदान गर्ने उद्देश्यले समाजकाे स्थापना गरिएकाे हाे ।