काठमाडौं । सर्लाहीको विभिन्न पालिकाहरुमा निःशुल्क स्वास्थ्य शिविर सञ्चालन गर्दै आइरहेका सांसद सुनिलकुमार शर्माले रामपुरमा ११ सय बढी बिरामीको निःशुल्क उपचार तथा स्वास्थ्य जाँच गरेको छ । काठमाडौं मेडिकल कलेज र नोवेल शिक्षण अस्पतालका स्वास्थ्यकर्मी सम्मिलित स्वास्थ्य टोलीले सर्लाहीको रामपुरमा निःशुल्क स्वास्थ्य जाँच गरेको हो । 

शिविरमा ११ सय ५३ जना बिरामीको निःशुल्क उपचार गरिएको काठमाडौं मेडिकल कलेजका प्रमुख प्रशासकीय अधिकृत तथा प्रबन्धक नारायण दाहालले जानकारी दिए । दाहालका अनुसार शिविरमा १०५ जनाको इसिजी, १२० जनाको ल्याब परीक्षण, २७५ जनाको भिडियो एक्सरे र १३२ जनाको इको गरिएको छ । 

शिविरबाट १५५ जनालाई शल्यक्रियाका लागि रेफर गरिएको छ । यसरी रेफर भएका बिरामीहरुलाई केएमसीमा निःशुल्क शल्यक्रिया र नोवेल शिक्षण अस्पतालमा ५० प्रतिशत छुट गरिने छ । सांसद शर्माले दुरदराजमा रहेका गरिब, विपन्न नागरिकलाई घरदैलोमै स्वास्थ्य सेवा पुर्याउने अभिप्रायले निःशुल्क स्वास्थ्य शिविर चलाएका हुन् । शिविरमा सो क्षेत्रका 

शिविरको उद्घाटन गर्दै प्रमुख अतिथी समेत रहेका सांसद डा. शर्माले हरेक नागरिकले निःशुल्क स्वास्थ्योपचार पाउनु पर्ने बताउँदै राज्यको भूमिका कमजोर बन्दा नागरिकले सास्ती पाइरहेको बताउनु भयो । शिविर उद्घाटनमा कांग्रेस मधेश प्रदेश संयोजक शर्मिला थापा, पूर्व सभापति लक्ष्मण राय, महासमिति सदस्य शुशिला कार्की लगायतले संवोधन गरेका थिए ।