काठमाडाैं । असाेज ११ गतेदेखि परेकाे अबिरल वर्षाका कारण बाढीपहिरो र डुबानमा परी हालसम्म देशभर एक सय ४८ को मृत्यु भएको छ । गृहमन्त्रालयका अनुसार तीन दिनमा एक सय ४८ काे मृत्युहुँदा ५५ जना बेपत्ता भएका छन् । 

विपद्मा परी एक सय एकजना घाइते भएकाे मन्त्रालयका प्रवक्ता ऋषिराम तिवारीले जानकारी दिए । बाढी, पहिरोमा परी धादिङमा ३८, ललितपुरमा २२, काठमाडौँमा १६, काभ्रे २९, मकवानपुर सात, सिन्धुपाल्चोक छ, सोलुखुम्बु पाँचथर र भक्तपुरमा पाँच/पाँच जनाले ज्यान गुमाएका छन् । 

यस्तै, दोलखामा तीन, सिन्धुलीमा दुई, धनकुटा दुई, महोत्तरी दुई, रामेछाप एक, झापा दुर्ई, उदयपुर एक, इलाम एक, सप्तरी एक र नुवाकोटमा एकजनाको मृत्यु भएको मन्त्रालयले जनाएकाे छ । बाढीपहिरो प्रभावित क्षेत्रमा खोजी र उद्धारका लागि नौ हजार नौ सय ८३ सुरक्षाकर्मी परिचालन गरिएका तथा हालसम्म तीन हजार ६६१ जनाको उद्धार गरिएको छ । 

बाढीपहिराेले तीन सय २२ वटा घरमा क्षति र १६ पुल बगाएको सशस्त्र प्रहरी बलले उपलब्ध गराएको पछिल्लो तथ्याङ्कमा उल्लेख छ । बाढी पहिराेबाट बेपत्ता भएका नागरिककाे उद्दार तथा खाेजीका लागि नेपाल प्रहरी, सशष्त्र प्रहरी, नेपाली सेना समेत परिचालित छन् ।