काठमाडौं । नेपाली कांग्रेसका सांसद डाक्टर सुनिल कुमार शर्माको निःशुल्क स्वास्थ्य शिविरबाट ३४५ जना लाभान्वित भएका छन् । काठमाडौं मेडिकल कलेजसँगको सहकार्यमा ललितपुरस्थित श्रृङ्गेरी माध्यमिक विद्यालयमा आयोजित निःशुल्क स्वास्थ्य परीक्षण शिविरबाट विद्यार्थी, अभिभावक तथा स्थानीय लाभान्वित भएका हुन् । 

स्वास्थ्य परीक्षण कार्यक्रममा मुटु तथा बालरोग विशेषज्ञ डाक्टरहरूको टोलीले विद्यार्थी, अभिभावक र स्थानीयहरूको स्वास्थ्य परीक्षण गरेको केएमसीका जनरल मेनेजर तथा प्रमुख प्रशासकीय अधिकृत नारायण दाहालले जानकारी दिनुभयो । शिविरमा १०७ जनाको इको, ८७ जनाको इसीजी र ७ जनाको शुगर टेस्ट गरिएको थियो ।

सांसद शर्माले विगतदेखि आम नागरिकलाई घरदैलो मै निःशुल्क स्वास्थ्य सेवा पुर्याउने उद्देश्यले निःशुल्क स्वास्थ्य शिविर सञ्चालन गर्दै आइरहनु भएको छ । डा. शर्माको निःशुल्क स्वास्थ्य शिविरबाट दूरदराजमा रहेका गरिब, विपन्न, अशक्त तथा उपचारबाट बञ्चित जागरिक बढी लाभान्वित भइरहेका छन् ।