काठमाडौं । स्वास्थ्य सेवामा नविनतम् उपचार प्रविधि भित्र्याउँदै नेपालकै उच्चस्तरीय स्वास्थ्य संस्थाका रूपमा स्थापित काठमाडौँ मेडिकल कलेज (केएमसी) मा एक दाजु–बहिनीको निःशुल्क कलेजो प्रत्यारोपण सफलतापूर्वक सम्पन्न भएको छ । नेपाली कांग्रेसका प्रभावशाली नेता तथा सांसद डा. सुनिल शर्माकाे केएमसीले  माेरङका एक दाजु–बहिनीकाे कलेजाे प्रत्याराेपण गरिदिएकाे हाे । 

मोरङ बुडिगंगा गाउँपालिका–१ निवासी ३६ वर्षीय विपिन विक्रम बिष्टले आफ्नी ३० वर्षीया बहिनी रक्षा बिष्टलाई कलेजो दान गरेका हुन् । केएमसीमा दाेश्राे पटक सफलतापूर्वक कलेजाे प्रत्याराेपण गरिएकाे हाे । यसअघि डडेलधुरा अमरगढी नगरपालिका–५ का ४० वर्षीय प्रदीप नगरकोटीमा उनकी ३३ वर्षीया श्रीमती यशोदा कुमारी देउवाले कलेजो सफलतापूर्वक प्रत्याराेपण गरिएकाे थियाे ।

कमजाेर आर्थिक अवस्थाकी बिरामी रक्षा विगत सात वर्षदेखि कलेजाेकाे राेगबाट आक्रान्त थिइन् । माेरङ क्षेत्र नं. ३ का सांसद डा. शर्माले निःशुल्क कलेजाे प्रत्याराेपणकाे व्यवस्था गरिदिएपछि रक्षाकाे जीवन बचेकाे हाे । कलेजो प्रत्यारोपण विशेषज्ञ डा. प्रविन विक्रम थापा, डा. रोशन घिमिरे, हेपाटोलोजिस्ट डा. सागर पौडेल तथा एनेस्थेसियोलोजिस्ट डा. सुजता निरौला लगायतको टोलीले  सफलतापूर्वक कलेजाे प्रत्यारोपण गरेका हुन् । 

छाेरीकाे जीवन बचाउन डा. सुनिल शर्मा भगवान बनेर आइदिएकाे भन्दै रक्षाका बुबाले कलेजाे प्रत्याराेपणमा संलग्न डाक्टरहरू प्रति कृतज्ञ सुनिए । ‘मेरो लागि डाक्टर सुनिल शर्मा भगवान बन्नुभयो म उहाँलाई मनबाटै नमन गर्न चाहन्छु ।’ निःशुल्क कलेजाे प्रत्याराेपणकाे व्यवस्था गरिदिएर डा. शर्माले मानवीयताकाे उच्चतम नमूना प्रस्तुत गरेकाे बुबाले भने । 

सांसद डा. शर्माले कलेजाे प्रत्याराेपण जटिल र महंगाे रहेकाे बताउँदै करिब २५ लाखकाे उपचार निःशुल्क गरिएकाे बताउनु भयाे । ‘भारतमा कलेजाे प्रत्याराेपण गर्न जानुभयाे भने ५० लाख आइसी रूपैंया लाग्छ, नेपालमा पनि मानव अङ्ग प्रत्याराेपणमा हुन्छ, टिचिङमा हुन्छ तर, २५ लाख रूपैंया खर्च लाग्छ । उहाँहरूकाे कलेजाे प्रत्याराेपण निःशुल्क गरिएकाे हाे ।’ एउटा दाजुले आफ्नी बहिनीकाे ज्यान बचाउन आफ्नाे कलेजाे काटेर दिनु सामान्य कुरा नभएकाे भन्दै सांसद शर्माले भन्नुभयाे । 

दुरदराजमा रहेका गरिब, विपन्न, असहाय नागरिकलाई निःशुल्क उपचार गराउँदै आइरहनु भएका सांसद शर्माकाे केएमसी, मिर्गाैला, कलेजाे प्रत्याराेपण लगायत गम्भिर राेगहरूकाे उपचारकाे केन्द्र बन्दै गइरहेकाे छ । दक्ष जनशक्ति, अत्याधुनिक स्वास्थ्य उपकरण, कुशल व्यवस्थापनका कारण केएमसी हरेक नागरिककाे जीवन बचाउने आस्थाकाे धराेहर बनेकाे छ ।