मोन्टेनेग्रो, २८ साउन । मोन्टेनेग्रोमा एउटा पारिवारिक विवादपछि गोली चल्दा कम्तीमा १० जनाको मृत्यु भएको छ । ३४ वर्षीय आक्रमणकारीले एउटै परिवारका तीन जनाको गोली हानेर हत्या गरेका छन् । सोही घरमा बस्ने एक महिला र उनका दुई सन्तानको पनि हत्या गरेका छन् ।

घटनामा दुई जनाको सेटिंजे अस्पतालमा उपचार भइरहेको छ । समाचार रिपोर्टहरूका अनुसार अरू धेरैलाई पोडगोरिकाको अस्पतालमा ल्याइएको थियो । राज्यका वरिष्ठ अभियोजक आपतकालीन सेवा र प्रहरीको साथ घटनास्थलमा छन् ।

एक सर्वसाधारणले बन्दुकधारीलाई गोली हानेर हत्या गरेपछि आक्रमण शृंखला रोकिएको थियो । आक्रमणमा केही मानिस घाइते भएका छन् । घाइतेहरुको स्थानीय अस्पतालमा उपचार भइरहेको छ । प्रहरीले घटनाबारे अनुसन्धान सुरु गरेको छ ।