Follow us:


Follow us

९ असोज २०७९, आइतवार
९ असोज २०७९, आइतवार


च्याम्पियन्स लिगः पिएसजीले युभेन्ट्सलाई हराउँदा चेल्सी स्तब्ध

एक्सन खबर
भदौ, २२, २०७९




च्याम्पियन्स लिगः पिएसजीले युभेन्ट्सलाई हराउँदा चेल्सी स्तब्ध

काठमाडौं, २२  भदौ । युईएफए च्याम्पियन्स लिग फुटबल अन्तर्गत मंगलबार राति भएको खेलमा फ्रेन्च क्लब पेरिस सेन्ट जर्मेन (पीएसजी) ले युभेन्ट्सलाई २–१ अन्तरले पराजित गर्दै विजयी सुरुवात गरेको छ   ।

समूह एचको खेलमा पीएसजीलाई जित दिलाउन केलियन एमबाप्पेले दुबै गोल गरे । खेलको पाँचौ मिनेटमो एमबाप्पेको गोलबाट पिएसजीले सुरुवाती अग्रता लिएको थियो । उनले नेयमारको पासमा गोल गर्न सफल भएका थिए ।

२२औं मिनेटमा एमबाप्पेले अर्काे गोल थप्दै टोलीको अग्रता दोब्बर पारे । यसपटक एमबाप्पेले अचरफ हाकिमीको पासमा गोल गर्न सफल भएका थिए । युभेन्ट्सका वेस्टन म्याककेन्नीले एक गोल फर्काए ।

यस जितसँगै पीएसजीले पहिलो खेलबाट ३ अंक जोडेको छ । समूह एचकै अर्को खेलमा बेन्फिकाले मक्काबी हाइफालाई २–० ले पराजित गर्यो ।

यता, समूह 'ई' मा इंग्लिस क्लब चेल्सी पहिलो खेलमै स्तब्ध भएको छ  । चेल्सी क्रोएसिया क्लब डिनामो जाग्रेबसँग १–० ले पराजित भयो । जाग्रेबको जितमा मिस्लाभ ओरिसिचले १३औं मिनेटमा निर्णायक गोल गरेका थिए । समूह ई कै खेलमा एसि मिलान साल्जबर्गसँग १–१ गोलको बराबरीमा रोकियो ।













0 प्रतिकृया