काठमाडौं, २४ फागुन । चिकित्सा शिक्षा आयोगले एमविविएस, विडिएस लगायत स्नातक तहका लागि सिट निर्धारण गरेको छ । आयोगले आगामी शैक्षिक सत्रका लागि एमबिबिएस, बिडिएस, बिएनएस लगायतका विषयको सिट निर्धारण गरेको हो ।

आयोगको फागुन १४ गते बसेको बैठकले विभिन्न विषयहरुको कलेज अनुसार सिट निर्धारण गरेको जनाएकाे छ । आयोगले एमबिबिएसका लागि १८९५, बिडिएसतर्फ ५६०, बिएनएसमा १३१०, बिएएमएसमा ८०, बिपिएचमा ८४०, बि फार्ममा ८१५ सिट निर्धारण गरेकाे छ ।

आयोगले देशभर सञ्चालित मेडिकल कलेजहरूमा सबै विषयमा गरेर ७ हजार ६५९ सिट तोकेको छ । आयोगले देशभरका ८६ शैक्षिक संस्थाहरूलाइ सिट संख्या निर्धारण गरेकाे हाे ।