काठमाडाैं, २३ चैत्र । सरकारका न्यूनतम साझा कार्यक्रम सार्वजनिक गर्नु अघि सत्ता गठबन्धन दलहरूको बैठक सुरु भएको छ । प्रधानमन्त्री निवास बालुवाटारमा नयाँ गठबन्धन बनेसँगै मन्त्रिपरिषद् विस्तार भएपछि न्यूनतम साझा कार्यक्रमबारे छलफल गर्न बैठक बसेको हो ।

नेकपा एमाले सहितकाे गठबन्धन भत्किएर नयाँ दलहरूबीच सत्ता गठबन्धन भएपछि फेरि साझा कार्यक्रम बनाइँएकाे हाे । सरकारले न्यूनतम साझा कार्यक्रम आज साँझ सार्वजनिक गर्ने तयारी गरेको छ ।

सार्वजनिक गर्नुअघि गठबन्धन दलका नेताहरूले त्यसलाई पूर्णता दिने भनेका छन् ।