काठमाडाैं, २५ चैत्र । काठमाडाैंका खाेला किनाराका सार्वजनिक जग्गा कब्जा गरी अब्यवस्थित बस्ती बसालेका सुकुम्बासीहरूलाई उठाउन सरकारले सहयाेग नगरेपछि काठमाडाैं महानगरपालिकाका मेयर बालेन शाहले सिंहदरबारकाे फाेहर नउठाउने बताएका छन् ।

मेयर बालेन शाहले सामाजिक सञ्जालमा लेख्दै राजनीतिक दलको नेतृत्व प्रति असन्तुष्टि जनाउँदै आजबाट सिंहदरबारको फोहोर नउठ्ने बताएका हुन् । ‘आजबाट सिंहदरबारको फोहोर उठ्दैन’, उनले फेसबुकमा लेखेका छन्, ‘साँच्चिकै देश सफा गर्नु परे, त्यहाँका नेताहरूलाई सिस्डोलमा डम्प गर्नु पर्ने हुन्छ ।’

मेयर बालेन शाहकाे टिप्पणीप्रति अधिकांशले साथ दिएका छन् । काठमाडाैं, भक्तपुर र ललितपुर तीनै जिल्लाकाे फाेहर समेत उठाएर सिंहदरबारमा फ्याक्नुपर्ने समेत कमेन्टहरू गरिएका छन् ।  

हिजाे शुक्रबार महानगरले गैरिधारा बागमति क्षेत्रका सुकुम्बासीलाई उठाउने तयारी गरेकाेमा प्रहरी प्रशासनले असहयाेग गरेकाेमा बालेन असन्तुष्ठ थिए ।