काठमाडाैं, २७ चैत्र । नेकपा एमाले निकट महिला संगठन अखिल नेपाल महिला संघ (अनेमसं) को अध्यक्षमा टुका हमाल चयन भएकी छिन् । काठमाडौंमा सम्पन्न सातौं राष्ट्रिय सम्मेलनबाट एमाले केन्द्रीय कमिटी सदस्यसमेत रहेकी हमाल सर्वसम्मत अध्यक्ष निर्वाचित भएकी हुन् ।

सम्मेलनबाट उपाध्यक्षमा शर्मिला कार्की, डा.बिमला राई पौडेल, रूक्मणी राना, मेनुका काफ्ले, मेनुका पोख्रेल, सुमित्रा बिसी निर्वाचित भएका छन् । यस्तै महासचिवमा पेम्वा लामा चयन भएका छन् । उपमहासचिवमा शान्ति अधिकारी र कोषाध्यक्षमा इन्दिरा फुँयाल निर्विरोध निर्वाचित भएका छन् ।

सचिवहरूमा विणा राई, विना साह, शारदा कुमाल, नरदेवी पुन, बिना ज्ञवाली, मीना रखाल र आशा बिकलाई चयन गरिएकाे छ ।

दश वर्षपछि भएको अनेमसंघको ७ औं राष्ट्रिय सम्मेलनबाट नेकपा एमालेका पदाधिकारी, स्थायी कमिटी सदस्य र पोलिटब्यूरो सदस्य पहिलो पटक नेतृत्वबाट बाहिरिएका छन् । एमाले केन्द्रीय कमिटीमा रहेका करिव १ सय महिला नेतृ अनेमसंघमा पनि रहँदै आएका थिए ।