भक्तपुर २७ चैत्र । आठ रात नौ दिनसम्म मनाइने भक्तपुरको बिस्केट (बिस्काः) जात्रा साेमबारबाट सुरु भएको छ । जिब्रो छेड्ने जात्राको रुपमा चर्चित याे जात्रा साँझ टौमढीस्थित पाँचतले मन्दिर अगाडिबाट भैरवनाथको रथ तानातान गर्दै जात्राको सुरूवात गरिने प्रचलन अनुसार जात्राको पहिलो दिन भैरवनाथसहित भद्रकालीको रथ तानिएको छ ।

उक्त रथमा भैरवनाथ मूल देवता र बेताल देवतालाई विराजमान गराई पाँचतले मन्दिर प्राङ्गणबाट माथिल्लो र तल्लो क्षेत्रमा रथ तानेर लैजाने गरिन्छ । टौमढीबाट करिब २०० मिटर दक्षिण गःहिटी पु‍र्‍याए पछि पहिलो दिनको जात्रा सम्पन्न हुन्छ ।

लिच्छविकालदेखि सुरु भएको जात्रा नयाँ वर्षको अर्थात् वैशाख १ गतेभन्दा चार दिनअघि सुरु हुन्छ भने वैशाख ५ गते पनि भैरवनाथको नै रथ तानेर समापन गरिन्छ ।

हेर्नुहाेस फाेटाे फिचर