काठमाडाैं, १९ बैशाख । यूएईले नेपाललाई  ११८ रनकाे लक्ष्य दिएकाे छ । एसीसी प्रिमियर कप क्रिकेटको फाइनल जित्न नेपालले युएईबाट १ सय १८ रनको लक्ष्य पाएको हाे ।

मंगलबार त्रिवि क्रिकेट मैदानमा युएईलाई ३३.१ ओभरमा १ सय १७ रनमा अलआउट गरेपछि नेपाल सामु प्रतियोगिता जित्दै एसिया कपमा छनोट हुने अवसर बनेकाे छ ।

यसअघि सोमबार वर्षाले खेल स्थगित गरेपछि मंगलबार खेललाई पुनः निरन्तरता दिइएकाे हाे । सोमबार नेपालले टस जितेपछि ब्याटिङमा आएको यूएईले २७.३ ओभरमा ९ विकेट गुमाई १ सय ६ रन बनाएको अवस्थामा वर्षा सुरु भइ खेल अवरूद्ध भएकाे थियाे । मंगलबार त्यही स्कोरबाट खेल्न सुरु गरेको यूएईले ५.४ ओभरमा मात्र ११ रन बनाउन सफल भयाे ।

साेमबार लगातार दुई विकेट लिँदै खेल स्थगितमा परेका ललित मंगलबार ह्याट्रिक विकेटमा चुके ।