२२ भदौ २०८३, सोमवार
२२ भदौ २०८३, सोमवार
‘नयाँ, पुरानो सबै नेताहरू चोर हुन्’ बालेन शाह
एक्सन खबर
काठमाडौं, २० बैशाख । बागमति, धाेबिखाेला किनारामा सार्वजनिक जग्गा कब्जागरी बसेका सुकुम्बासी हटाउन संघीय सरकारले सहयाेग नगरेपछि सिंहदरबार प्रति खनिँदै आएका काठमाडाैं महानगरपालिकाका मेयर बालेन साहले पुनः विवादास्पद अभिव्यक्ति दिएका छन् ।
मंगलबार मेयर बालेन शाहले कुनै नेताहरूलाई देशको माया नभएको बताएका छन् । सामाजिक सञ्जालमा लेख्दै मेयर शाहले नयाँ-पुराना सबै नेताहरू चोर हुन् भन्दै कसैलाई देशको माया नभएको लेखेका छन् ।
नयाँ, पुरानो सबै नेताहरू चोर हुन्, कसैलाई देशको माया छैन ।’ फेसवुकमा शाहले लेखेका छन् । केही समयअघि सिंहदरबारप्रति आक्राेस प्रकट गर्दै मेयरले संघीय सरकारले स्थानीय सरकारसँग समन्वय र सहयाेग नगरेकाे बताएका थिए । सिंहदरबारले महानगरलाइ सहयोग नगरेको भन्दै सिंहदरबारकाे फोहोर नै उठाएको थिएन ।
'कि काठमाडौंको हितमा काम गर्नुहोस्, कि सिंहदरबार अरू पालिकामा सार्नुहोस् । हामी काठमाडौंवासीलाई कुनै आपत्ति छैन, चाहे सिंहदरबार सार्नुहोस् कि राजधानी सार्नुस् ।' बालेनले पटकपटक सिंहदरबार र संघीय सरकारसँग रिस पाेखिरहेका छन् ।
बालेनले सिंहदरबारमा बस्ने नेताहरूलाई सिसडोलमा डम्प गर्नुपर्ने भन्दै आपत्तिजनक अभिव्यक्ति दिएका थिए ।
0 प्रतिकृया