डा. प्रल्हाद कार्की वीपी प्रतिष्ठानकाे कामु उपकुलपतिमा नियुक्त
काठमाडौं, १७, असार । वीपी काेइराला स्वास्थ्य विज्ञान प्रतिष्ठानकाे कामु उपकुलपतिका प्रा.डा. प्रल्हाद कार्की नियुक्त भएका छन् । स्वास्थ्य तथा जनसंख्यामन्त्री मोहनबहादुर बस्नेतले प्रतिष्ठानकाे कामु उपकुलपतिमा डा. प्रल्हाद कार्कीलाई नियुक्त गरेका हुन् ।
प्रतिष्ठानका सहकुलपति समेत मन्त्री बस्नेतले सहकुलपतिको अधिकार प्रयोग गर्दै अर्को व्यवस्था नभएसम्मका लागि डा. कार्कीलाई कामु उपकुलपतिको जिम्मेवारी दिएकाे मन्त्री बस्नेतको सचिवालयका एक कर्मचारीले जानकारी दिएका छन् ।
‘प्रतिष्ठानकाे कामु उपकुलपतिमा डा. प्रल्हाद कार्कील नाममा निर्णय भइसकेकाे छ ।’ मन्त्रालयका एक कर्मचारीले भने । यसअघि प्रतिष्ठानका शिक्षाध्यक्ष प्रा.डा. संजिव शर्मालाई निमित्त उपकुलपतिकाे जिम्मेवारी दिइएकाे थियाे ।
डा. कार्कीलाई अर्को व्यवस्था नभएसम्मका लागि आर्थिक र प्रशासनिक अधिकारसहितको कामु उपकुलपतिको जिम्मेवारी दिइएको छ । तर, प्रतिष्ठानमा डा. कार्की र डा. शर्माबिच राम्राे सम्बन्ध छैन । उनिहरूविच लामाे समयदेखि मनमुटाव छ । मन्त्री बस्नेतले डा. शर्मालाई निमित्त उपकुलपतिकाे जिम्मेवारी दिएका थिए । अहिले कार्कीलाई एक्कासी कामु उपकुलपतिकाे जिम्मेवारी दिएपछि प्रतिष्ठानमा हलचल भएकाे छ ।
‘प्रल्हाद कार्की र संजिव शर्माविच राम्राे सम्बन्ध छैन भन्ने थाहा हुँदा हुँदै मन्त्रीले किन पुनः दुइ जनालाई नै जुधाउने गरि निर्णय गरे ? अब प्रतिष्ठान झन दलदलमा फस्ने भाे ।’ प्रतिष्ठानका एक माथिल्ला कर्मचारीले भने ।
भ्रष्टाचार, अनियितता र चरम राजनीतिकरणले थिल्थिलाे भएकाे प्रतिष्ठानलाई सरकारले ल्याउन लागेकाे छाता ऐनमा समेट्न खाेजेपनि नागरिक अगुवा, प्रतिष्ठानकै अधिकारीहरूले विराेध गरेका थिए ।
0 प्रतिकृया