काठमाडौं, २१ असोज । इजरायलमा हिजो शनिबार भएको आक्रमणमा परि १० जना नेपालीको मृत्यु भएको छ । प्यालेस्टाइनको इस्लामिस्ट समूह हमासले इजरायलमाथि गरेको आक्रमणमा परी १० जना नेपालीहरूको मृत्यु भएको हाे ।

मृत्यु हुनेमा नारायणप्रसाद न्यौपाने कैलाली, गणेशकुमार नेपाली बझाङ, आषिश चौधरी, कैलाली, दिपेशराज बष्ट, दार्चुला, आनन्द शाह धनुषा, राजेशकुमार स्वर्णकार सुनसरी, राजन फूलारा डोटी, पदम थापा डोटी, प्रवेश भण्डारी सल्याण र लोकेन्द्र सिंह धामी दार्चूला रहेका छन् । सो घटनामा अन्य ७ जना घाइते रहेको बताइएको छ । इजरायल र हमासविच अहिले पनि लडाईं जारी छ ।

सरकारले अहिलेसम्म इजरायलमा रहेका नेपालीलाई सचेत रहन र घटनाबारे जानकारी दिन विज्ञप्ति जारी गरेकाे छ । इजरायलका नेपाली राजदूत कान्ता रिजालले १० जना नेपालीको मृत्यु भएको बताएकी छन् ।  परराष्ट्र मन्त्रालयका तर्फबाट आधिकारिक विज्ञप्ति जारी भइ सकेको छैन ।