दसैं, तिहार, नेपाल संवत्, छठलगायत पर्वका अवसरमा नेपाली कांग्रेसले आज चियापान कार्यक्रम गर्दैछ । कांग्रेस केन्द्रीय कार्यालय सानेपामा चियापान कार्यक्रम दिउँसो २ बजेदेखि अपराह्न ५ बजेसम्म राखिएकाे छ ।

चियापान समारोहमा विभिन्न राजनीतिक दलका नेताहरू, मन्त्रीहरू, संवैधानिक निकायका प्रमुखहरू, सांसदहरू, राष्ट्रसेवक कर्मचारीहरू, सुरक्षा निकायका प्रमुखहरू, कूटनीतिक नियोगका प्रमुखहरू लगायतकाे सहभागीता रहने भनिएकाे छ ।

कांग्रेसले हरेक वर्ष दशैं, तिहार, छठ पर्वका अवसरमा शुभकामना कार्यक्रम गर्दछ । विगतमा काेराेना महामारीका कारण कार्यक्रम राेकिएकाे थियाे ।