काठमाडाैं, १५ कार्तिक । सरकारले राष्ट्रिय खेलाडीहरूकाे ब्यवस्थापन तथा प्राेत्साहन गर्न नसकिरहेकाे अवस्थामा नीजि क्षेत्रकाे नाेबेल शिक्षण अस्पतालले क्रिकेट टाेलीका लागि लाखाैंकाे पुरस्कारकाे घाेषणा गरेकाे छ । सांसद डाक्टर सुनिल कुमार शर्माकाे नाेबेल मेडिकल कलेज शिक्षण अस्पतालले नेपालमा जारी टी–२० विश्वकपमा घरेलु टोलि (नेपाल) छनोट भए १५ लाख रुपैयाँ पुरस्कार दिने घाेषणा गरेकाे हाे ।

कलेजले एक सूचना जारी गर्दै  घरेलु टाेली विश्वकपमा छनाैट भए १५ लाख रूपैंया नगद पुरस्कार दिने घोषणा गरेको हो । कलेजका प्रमुख कार्यकारी अधिकारी डा भोगेन्द्रप्रसाद उपाध्यायद्वारा जारी विज्ञप्तिमा टी–२० विश्वकप क्रिकेट छनोट प्रतियोगिता जिते थप ५ लाख दिने भनिएकाे छ ।

त्यसाे त, डा. शर्माकाे नाेबेल शिक्षण अस्पतालले क्रिकेट खेलाडीहरूकाे  विगतदेखि नै निःशुल्क तथा सहुलियत शुल्कमा स्वास्थ्य उपचार गर्दै आइरहेकाे छ ।

नेपाल सहित ८ राष्ट्र सम्मिलित आईसीसी टी–२० विश्वकप छनोट एशिया क्षेत्रमा नेपाल एक खेल अगावै सेमिफाइनलमा प्रवेश गरिसकेको छ । नेपालले भाेली बिहीबार समूह चरणको अन्तिम खेल ओमानसँग खेल्ने तथा शुक्रबार हुने सेमिफाइनलमा जित हात पारे अर्को वर्ष अमेरिका र वेष्टइण्डिजमा हुने टी–२० विश्वकपमा पुग्नेछ ।

नेपालले सन् २०१४ यता विश्वकप खेल्न सकेको छैन । यसपटक नेपाललाई टी–२० विश्वकप छनोट एशिया क्षेत्रको उपाधिको दाबेदारका रुपमा हेरिएको छ ।

विश्वकप छनाैट खेलिरहेकाे नेपाली टाेलीलाई पुरस्कार दिने क्रम बढेकाे छ । अर्ना बियरले पुरस्कार दिन थालेपछि बुधबार मात्रै डिशहोमले पनि पुरस्कारकाे घोषणा गरेको छ । उसले जारी प्रतियोगिताका खेलका लागि शतक हान्ने नेपाली खेलाडीलाई १० लाख रुपैयाँ दिने घोषणा गरेको छ । यस्तै एकै खेलमा ५ विकेट लिएमा ५ लाख, अर्धशतक बनाएमा १ लाख, कम्तीमा ३ विकेट लिएमा १ लाख, कम्तीमा ३५ रन बनाएमा ५० हजार र कम्तीमा ३ क्याच वा स्टम्पिङका लागि ५० हजार रुपैयाँ दिने डिएच फाइबर नेटले जनाएको छ ।